Кучли бешлик чемпионатларидаги икки вакилимиздан бири – истеъдодли ҳимоячи Абдуқодир Ҳусанов 29 февраль куни йигирма ёшга тўлди.
Франция матбуоти ёздан бери “Ланс” жамоаси шарафини ҳимоя қилиб келаётган ўзбек легионерини табриклади. Хусусан, асосан “Ланс” фаолиятини ёритиб келаётган www.lensois.com сайти Абдуқодир Ҳусанов ҳақида қуйидаги маълумотни чиқарди.
- 2004 йилнинг 29 февраль куни Ўзбекистон пойтахти Тошкент шаҳрида туғилган “Ланс” футболчиси Абдуқодир Ҳусанов ўзининг 20 ёшини нишонлади.
Истеъдодли ҳимоячи Франция чемпионатининг иккинчи қисмида ўзини энг яхши томондан кўрсатиб, кўпроқ ўйин амалиётига эга бўлишдан ташқари, жорий йилнинг март ва июнь ойларида кейинги жаҳон чемпионатига чиқиш учун ўтказиладиган саралаш ўйинларига таклиф олиб, Ўзбекистон миллий терма жамоасининг муҳим ўйинчиларидан бирига айланиши керак.
Ҳозирча, www.lensois.com сайти Абдуқодир Ҳусановни туғилган куни билан муборакбод этади, - дейилади сайт табригида.
Абдуқодир Ҳусановнинг туғилган куни муносабати билан билдирилаётган табрикларга “Ланс”нинг франциялик мухлислари ҳам қўшилди.
Syl1362: Илгари Осиёдан келган Наката ёки Пак сингари ўйинчиларни кўрганмиз. “Фрайбург”даги Доан, “Реймс”даги Ито, ҳатто “Монако”даги Минаминони ҳам улар сафига қўшиш мумкин. Осиё футболи тарбияланувчиларининг аҳамияти ошиб бормоқда.
Абдуқодир Ҳусановни туғилган куни билан табриклаб, “Ланс”да узоқ муддат қолишини истайман.
DGr (Syl1362: фикрига жавобан): Осиё футболи ҳақиқатан самарали мактаб.
Tony: Абдуқодир, туғилган кунинг билан!
Tonique vers elle: Биз Абдуқодирга совға беришга тайёрмиз, лекин Ҳусанов жарима майдончаси ичида “сюрприз” қилмасин!
Olivier 6: Абдуқодир, туғилган кунинг билан табриклаймиз! Ўсишда давом эт. Сен бизга кераксан, жамоани Чемпионлар лигасига олиб чиқиш лозим. “Ланс”ни олға бошла!
Абдуқодир Ҳусанов ўтган ёз “Ланс”га кўчиб ўтганидан бери Франция чемпионатида етти маротаба, УЕФА Чемпионлар лигаси ва Европа лигасида икки мартадан майдонга тушди. Шунингдек, ёш ҳимоячимиз Ўзбекистон миллий терма жамоасида ўнта ўйин ўтказди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Энди «Доимий яшаш жойига рўйхатга қўйиш» қулайлашди (видео)
Эрдўғон: “Туркия Ғазо можароси тугамагунча Фаластинни қўллаб-қувватлайди”
Бош кийимсиз юришнинг организмга қандай таъсири бор?
Словакия бош вазири Путиннинг таклифини қабул қилди
Грецияда минглаб одамлар НАТОга қарши намойиш ўтказди
Организмда қайси турдаги витамин етишмаётганини қандай аниқлаш мумкин?
Ўзбекистонда онкологик касалликка чалинган аёллар бепул даволанади
Медведев Россия НАТО ҳарбий базаларига зарба йўллаши мумкинлигини истисно қилмади
