Ўзбекистон миллий терма жамоаси 2026 йилги жаҳон чемпионати сари юришини давом эттирмоқда.
Осиё саралаш турнири иккинчи босқич гуруҳ баҳсларининг тўртинчи турида футболчиларимиз Тошкентдаги баҳсда Гонконг терма жамоаси дарвозасига жавобсиз учта тўп киритди. Шу тариқа, Сречко Катанец шогирдлари очколари сонини 10 тага етказиб, кейинги босқич масаласини амалда муддатидан олдин ҳал қилиб бўлди.
Учрашувда ҳисобни 20-дақиқада Элдор Шомуродов очди. Иккинчи бўлимда Ҳожимат Эркинов ҳамда Остон Ўрунов рақиб дарвозасини ишғол қилди.
Ўйинда хавотирли ҳолат юзага келди. Яқинда оғир жароҳатдан тикланган Элдор Шомуродов яна шикастланган кўринади.
Италия матбуоти бунга дарров эътибор қаратди.
МАРКО БЛАЗИ, cagliarinews24.com эксперти:
“Кальяри” ҳужумчиси Элдор Шомуродов 2026 йилги жаҳон чемпионатининг саралаш учрашувида яна Ўзбекистон миллий терма жамоаси қаҳрамонига айланди.
Ўзбекистон Гонконгни 3:0 ҳисобида таслим қилди ва “Кальяри” форварди яна гол уриб, ҳисобни очди. Бироқ Шомуродовнинг жисмоний ҳолати хавотир уйғотмоқда. Чунки у оёғидан операция қилиниб, яқиндагина саломатлигини тиклаган эди.
ЖАНКАРЛО КОРНАККИА, tuttocagliari.net эксперти:
Элдор Шомуродов гонконгликларни 3:0 ҳисобида мағлуб этган Ўзбекистон миллий терма жамоаси сафида яна гол урди. “Кальяри” ҳужумчиси ўнг қанотдан узатилган ишпни дарвоза тўрига жойлади.
Афсуски, 30-дақиқада рақиб ҳимоячиси Оливер Гербиг Шомуродовнинг ўнг оёғига жиддий зарба берди. Элдор дарров майдонни тарк этиш ўрнига ўйинни давом эттиришни маъқул кўрди. Уни танаффусда алиштиришди. Энди унинг ҳолатини баҳолаш талаб этилади. Чунки гап унинг бир неча ой муқаддам операция қилинган оёғи ҳақида кетмоқда.
ИГНАЦИО КАДДЕО, calciocasteddu.it эксперти:
“Кальяри” ҳужумчиси Элдор Шомуродов бир неча кун аввал Гонконг дарвозасига гол урган эди ва бу гал ҳам шу рақиб билан ўйинда ҳисобни очди. Бу учрашув 2026 йили Америкада бўладиган жаҳон чемпионатига чиқиш йўлида ўтказилди.
Тошкентдаги ўйинда “Кальяри” Элдор Шомуродовнинг оёғига зарба беришди ва ҳужумчи иккинчи бўлим олдидан ўрнини Остон Ўруновга бўшатиб берди. Бу Клаудио Раньерини ўйлантириб қўйиши табиий. Чунки жамоани олдинда А Серияда қолиш учун муҳим ўйинлар кутиб турибди.
Эслатиб ўтамиз, Элдор Шомуродов миллий терма жамоамиз сафидаги 40-голини нишонлаб, халқаро миқёсда энг кўп гол урган ўзбек футболчиси сифатида ўз рекордини яна янгилади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Организмда қайси турдаги витамин етишмаётганини қандай аниқлаш мумкин?
Бош кийимсиз юришнинг организмга қандай таъсири бор?
Ўзбекистонда онкологик касалликка чалинган аёллар бепул даволанади
Словакия бош вазири Путиннинг таклифини қабул қилди
Энди «Доимий яшаш жойига рўйхатга қўйиш» қулайлашди (видео)
Грецияда минглаб одамлар НАТОга қарши намойиш ўтказди
Эрдўғон: “Туркия Ғазо можароси тугамагунча Фаластинни қўллаб-қувватлайди”
Медведев Россия НАТО ҳарбий базаларига зарба йўллаши мумкинлигини истисно қилмади
