Футбол бўйича Европа Лигаси ярим финалининг жавоб ўйинлари 9 май, пайшанба куни бўлиб ўтди.
“Байер” “Рома”га қарши баҳс олиб борди. Учрашувнинг биринчи бўлими сўнгида Леандро Паредес пенальтидан унумли фойдаланиб, римликларни ҳисобда олдинга олиб чиқди.
Иккинчи бўлимда, 66-дақиқада Паредес яна пенальтини аниқ амалга оширди ва ҳисобни ишончли кўринишга олиб келди. 82-дақиқада Манчини ўз дарвозасини ишғол қилиб қўйди. Ҳакам қўшиб берган дақиқаларда Станишич ҳисобни тенглаштирди ва энг муҳими “Байер”нинг мағлубиятсиз серияси давом этишига сабабчи бўлди.
Учрашув 2:2 ҳисоби билан якунланди. Умумий ҳисоб эса 4:2, “Байер” фойдасига.
Яна бир ярим финал ўйинида “Аталанта” “Марсель”ни 3:0 ҳисобида таслим этди. Ўйиндаги голларга Лукман, Ружери ва Турелар муаллифлик қилди. Жамоалар ўртасидаги дастлабки ўйинда 1:1 ҳисоби қайд этилганди. Икки ўйин натижасига кўра “Аталанта” 4:1 ҳисобида ғалаба қозониб, финалга йўл олди.
Шу тариқа Европа Лигаси финалида “Байер” ва “Аталанта” ўзаро баҳс олиб боради.
Европа Лигаси 1/2 финал
9 май, пайшанба
“Байер” — “Рома” 2:2
Голлар: 0:1 – 43 Паредес (пенальти), 0:2 – 66 Паредес (пенальти), 1:2 – 82 Манчини (автогол), 2:2 – 90+7 Станишич.
“Байер”: Коварж, Фримпонг (Станишич, 90), Та, Тапсоба, Инкапиэ, Грималдо (Коссуну, 90), Жака, Ҳофманн (Вирц, 81), Паласиос, Адли, Гложек (Шик, 74).
“Рома”: Свилар, Анхелиньо (Смоллинг, 81), Манчини, Ндика, Спинассола (Залевски, 21), Паредес, Кристанте, Пеллегрини (Абраҳам, 81), Аш-Шаарави, Лукаку, Азмун (Бове, 72).
Огоҳлантиришлар: Тапсоба (20), Манчини (20), Пеллегрини (21), Паредес (27), Залевски (29), Та (41), Вирц (89).
“Аталанта” — “Марсель” 3:0
Голлар: 1:0 – 30 Лукман, 2:0 – 52 Ружери, 3:0 – 90+4 Туре.
“Аталанта”: Муссо, Заппакоста (Ҳатебур, 76), Жимшити, Ҳин, де Рон, Ружери, Копмейнерс, Эдерсон (Скалвини, 56), де Кетеларе (Пашалич, 61), Лукман (Туре, 77), Скамакка (Миранчук, 56).
“Марсель”: Лопес, Клосс (Пеми, 72), Мбемба (Унаи, 59), Жиго, Балерди, Мерлен (Луис Энрике, 72), Кондогбиа, Верету, Харит (Корреа, 84), Ндиай (Сарр, 59), Обамеянг.
Огоҳлантиришлар: Эдерсон (47), де Рон (63). “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев: Махсус ҳарбий операция учун қуролларнинг аксарияти Россияда ишлаб чиқарилади
Кипр ҳукумати россиялик ва украиналик миллиардерларнинг «олтин» паспортларини олиб қўйди
Ўзбекистонда онкологик касалликка чалинган аёллар бепул даволанади
Вирус UFC ни дунёга танитди
Британияда 3 та ҳарбий база узра УУА парвози қайд этилди
"Пахтакор"нинг ўйини мутахассис нигоҳида: "Менимча, ғалаба учун эмас, бир очкони сақлаб қолиш учун ўйнади"
Асир: Украина аскарлари отишни интернетдаги видеолар ёрдамида ўрганишади
БААда исроиллик раввин ўлдирилиши юзасидан Ўзбекистон томони баёнот берди
