“Ал-Ҳилол” пенальтилар сериясида “Ан-Насср”ни мағлуб этиб, Саудия Қирол Кубогини қўлга киритди

Футбол бўйича Саудия Қирол Кубогининг финалида “Ал-Ҳилол” ва “Ан-Насср” 31 май, жума куни ўзаро баҳс олиб борди.

Учрашувнинг 7-дақиқасида Александар Митрович ҳисобни очди. Бўлим “Ал-Ҳилол”нинг кичик устунлиги билан якунланди.

Иккинчи бўлимда эса жамоалар яна хавфли вазиятларни ярата бошлади. Ар-Риёд клуби ҳужумчиси Роналду чалқанча услубда зарба берди, бироқ тўп дарвоза устунига тегди. 56-дақиқада “Ан-Насср” дарвозабони Оспина қизил карточка олиб, майдонни тарк этди.

87-дақиқада “Ал-Ҳилол” аъзоси Ал Булайҳи ҳам қизил карточка олди. 88-дақиқада “Ан-Насср” футболчиси Аҳмед ҳисобни тенглаштиришга муваффақ бўлди. 90-дақиқада эса Кулибали ҳам қизил олди. Шу тариқа “Ал-Ҳилол” 9 киши, “Ан-Насср” эса 10 киши бўлиб ўйинни давом эттиришига тўғри келди.

Асосий бўлимларда ғолиб номи аниқланмагач, жамоалар қўшимча бўлимларга мурожаат қилди. Қўшимча бўлимларда эса дарвозалар дахлсиз қолди. Пенальтилар сериясида “Ал-Ҳилол” 5:4 ҳисобида ғалаба қозонди ва Саудия Қирол Кубоги соҳибига айланди.

Саудия Қирол Кубоги
Финал
31 май, жума

“Ал-Ҳилол” – “Ан-Насср” 1:1
Голлар: 1:0 – 7 Митрович, 1:1 – 88 Яҳё.

“Ал-Ҳилал”: Буну, Абделҳамид, Кулибали, Ал-Булайҳи, Лоди (Ал-Шаҳрани, 46), Ал-Фараж (Канно, 74), Рубен Невеш, Ал-Досари (Ал-Ҳамдан, 110), Майкл Ричард (Ал-Брейк, 86; Томбакти, 90), Малком (Ал-Досари, 109), Митрович.

“Ан-Насср”: Оспина, Ал-Ганам, Ал-Авжами, Ал-Амри (Абдулла, 59), Теллес, Яҳё (Ал-Немер, 105), Брозович (Ал-Нажи, 69), Отавио (Ал-Ҳассан, 81), Ал-Ҳайбари, Роналду, Мане (Гариб, 59).

Огоҳлантиришлар: Лоди (22), Отавио (26), Кулибали (28), Ал-Фараж (33), Майкл Ричард (40), Ал-Амри (45+1), Ал-Булайҳи (87), Ал-Шаҳрани (98), Теллес (106), Канно (108), Ал-Ганам (120+1).
Четлатиш: Оспина (56), Ал-Булайҳи (87), Кулибали (90). «Замин» янгиликларини «Вконтакти»да кузатиб боринг