Мавсум якунларига кўра, А Сериядаги жойини сақлаб қолган “Кальяри” клуби ёзда бир неча муҳим масалаларни ҳал қилишига тўғри келмоқда.
Клубнинг асосий муаммоси келаси мавсум жамоа шарафини ҳимоя қиладиган таркибни шакллантириш. Бироқ бу масаланинг ечими янги бош мураббий билан ҳал этилади.
Сардинияликларни қуйи лигадан юқори дивизионга кўтарган ва А Серияда жамоани олиб қолган Клаудио Раньери мураббийлик фаолиятини якунлаганини эълон қилиб “Кальяри” раҳбариятини бироз шошириб қўйди.
Клуб мутасаддилари биринчи навбатда ҳужум чизиғида қайси футболчилар ўйнашига ойдинлик киритиб олиши керак. Бу позиция вакилларидан бир нечтасининг шартномаси тугаган, яна бир гуруҳи бошқа клублардан ижарага олинган ва айнан уларнинг келажагига тезроқ ойдинлик киритиш талаб этилади.
Италия футболини ёритаётган бир неча манбалар “Кальяри”ни А Сериядаги ўрнини сақлаб қолишга салмоқли ҳисса қўшган Элдор Шомуродовнинг келажаги ҳақида ёзди.
La Gazzetta dello Sport:
Элдор Шомуродовнинг келажаги ҳозирча мавҳум бўлиб турибди. Ўзбек ҳужумчиси А Серияда 22 та учрашувда учтадан гол ва ассист қайд этганди. Бу ўйинчи бўйича якуний қарор ҳар қандай ҳолатда ҳам жамоага янги бош мураббий тайинланганидан кейин қабул қилинади.
Шу билан бирга “Рома” клуби Элдор Шомуродовнинг трансфери учун қўйган 10 миллион евро атрофидаги сумма “Кальяри”га баландлик қилмоқда. Вазиятни кузатиб борамиз ва жарқўрғонлик йигитнинг “Кальяри”да қолиши ҳал бўлишига мухлисларни хабардор қиламиз.
TUTTOmercatoWEB.com:
Шомуродов Раньерисиз қолди. Ҳозирча, 28 ёшли ўзбек футболчисининг “Кальяри”даги келажаги ҳақида аниқ бирор нима деб бўлмайди. Уни қўллаб-қувватлаб келган ва жамоада олиб қолмоқчи бўлган Клаудио Раньери энди клубда йўқ.
Шомуродов трансферига 10 миллион евро миқдорида сармоя киритиш ўринлими?
Бу саволга жавоб Элдорнинг ҳужумдаги шерикларига ҳам боғлиқ. Зито Лувумбо жуда кўп таклифлар оляпти ва Сардинияда қолиши даргумон. 35 ёшли Леонардо Паволеттининг жисмоний ҳолати барқарорлигига ҳеч қандай кафолат йўқ. Андреа Петанья ва Жанлука Лападула бўйича ҳам шунга ўхшаш вазият.
La Nuova Sardegna:
“Кальяри” ҳужумни қўллаб-қувватлаб келган Наитан Нандез билан хайрлашди. Марко Манкосу жисмоний ҳолати туфайли бутун чемпионатни ўткзиб юборди. Николас Виоланинг шартномаси тугаяпти.
Ҳужум вакилларидан фақатгина Жанлука Лападуланинг яна икки йиллик шартномаси бор. Келаси мавсум олдинги чизиқда унга ёрдам бера оладиган ҳужумчи керак.
Элдор Шомуродов, Жанлука Гаэтано ва Андреа Петаньянинг ижара шартномаси тугади. Улардан бирини олиб қолиш осон бўлмайди. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
