БРИКС ўйинлари: Баҳодир Жалолов кутилганидек олтин медални қўлга киритди!

Айни дақиқаларда Қозон шаҳрида БРИКС турнирининг бокс бўйича финал жанглари бўлиб ўтмоқда. Ҳозирга келиб финалга йўл олган кўплаб боксчиларимиз ўз жангларини ўтказиб бўлди.

Ва ниҳоят энг таниқли боксчимиз Баҳодир жалолов ҳам ўз жангини ўтказди. У Беларусь вакили Владислав Смягликовга қарши рингга кўтарилди ва кутилганидек юртдошимиз яққол устунлик билан ғалабани қўлга киритди. 3-раунд давом этаётган паллада рақибини нокдаунга туширди ва рақибнинг устозлари рингга оқ сочиқни улоқтиришди.

Шу тариқа юртдошимиз муддатидан аввал ғалабани қўлга киритди. Олдинда бизни икки нафар вакиламизнинг жанги кутиб турибди.

-54 кг: Нигина Ўктамова - Татъяна Трушкина (Беларусь)

-75 кг: Азиза Зокирова - Элена Гапешина (Россия)

Янгиликлар