Париж—2024. Лазизбек Муллажонов бразилиялик рақибини мағлуб этиб, ярим финалга чиқди

^{Фото: МОҚ}
Франциянинг Париж шаҳрида ёзги Олимпиада баҳсларида бокс мусобақалари ҳам давом этмоқда.

-92 кг вазн тоифасида ўзбекистонлик боксчи Лазизбек Муллажонов чорак финалда бразилиялик Кено Мачадога қарши баҳс олиб борди.

Биринчи раундда Лазизбек 3:2 ҳисобида устун келди. Иккинчи раундда эса ўзбекистонлик боксчи тўлиқ устунликни қўлга олди.

Учинчи раундда ҳам 5:0 ҳисобида зафар қучган Муллажонов кейинги босқич йўлланмасини қўлга киритди.

Эслатиб ўтамиз, Лазизбек бундан олдинги босқичда италиялик Азиз Аббес Муҳиддинга қарши жанг қилиб, ғалаба қозонган эди.