Моуриньо 10 йил ичида илк марта кетма-кет 3 расмий ўйинда мағлуб бўлди » Ўзбекистон янгиликлари – Zamin.uz

Моуриньо 10 йил ичида илк марта кетма-кет 3 расмий ўйинда мағлуб бўлди

Спорт 18-09-2016, 21:44 515
Моуриньо 10 йил ичида илк марта кетма-кет 3 расмий ўйинда мағлуб бўлди

«Манчестер Юнайтед» клуби АПЛнинг 5-тури доирасида «Уотфорд»га 1:3 ҳисобида ютқазиб қўйди.

Бу клубнинг расмий ўйинларда қаторасига учинчи марта очко ололмаслиги бўлди. Бундан олдинги 2 учрашув ҳам Жозе Моуриньо шогирдларининг мағлубияти билан якунланганди. Ўтган ҳафтанинг шанба кунида «Манчестер Сити»га қарши ўйинда 1:2 ҳисобидаги мағлубият, жорий ҳафтанинг пайшанба кунида эса Европа Лигаси гуруҳ босқичида «Фейеноорд»га қарши ўйинда 0:1 ҳисобидаги мағлубият қайд этилганди.

Португалиялик мутахассис эса сўнгги 10 йил ичида биринчи марта кетма-кет уч ўйинда мағлубиятли ўйин ўтказди.

2006 йилда «Челси» Моуриньо бошқарувида премьер-лиганинг дастлабки икки турида ютқазган, кейин Англиия Суперкубоги учун баҳсни «Ливерпуль»га бой берганди (1:2).

Манба: Tribuna.uz


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.