![Ўзбекистон, Шомуродов ва Ўруновга қандай баҳо беришди?](/uploads/posts/2024-09/xe53f05728a_28f64dc9d93d769a9cd895ff8b02b5a7.webp.pagespeed.ic.inSnJPTKOg.webp)
2026 йили АҚШ, Канада ва Мексика мезбонлик қиладиган футбол бўйича жаҳон чемпионатига чиқиш учун курашаётган Ўзбекистон миллий терма жамоаси учун Осиё минтақаси саралаш мусобақасининг ҳал қилувчи учинчи босқичи муваффақиятли бошланганидан хабарингиз бор.
![](/uploads/posts/2024-09/x35bde11d82_1.webp.pagespeed.ic.dnMbGNrzy4.webp)
Бу босқичда қитъанинг энг кучли 18 та терма жамоаси учга бўлинган ҳолда курашни давом эттирмоқда. Ҳар бир гуруҳдан дастлабки икки поғонани эгаллаган терма жамоалар тўғридан тўғри жаҳон чемпионатига йўлланма олади. Ўз гуруҳида учинчи ва тўртинчи ўринни қўлга киритганлар эса, тўртинчи босқичда мундиал йўлланмаси учун курашни давом эттиради.
Ўзбекистон А гуруҳидан чиқиш учун Эрон, Корея Халқ Демократик Республикаси, Қирғиз Республикаси, Бирлашган Араб Амирликлари ва Қатар терма жамоалари билан рақобатлашиши белгиланган. Дастлабки икки турдан кейин Сречко Катанец шогирдлари гуруҳда биринчи ўринни эгаллаб турибди. Эронлик футболчилар ҳам худди биз каби 100 фоизлик натижа қайд этмоқда. Қолган барча терма жамоалар очко йўқотиб бўлди.
Иккинчи турда футболчиларимиз Бишкекда Қирғиз Республикаси терма жамоаси устидан жуда қийин ғалабага эришди. Футболчиларимиз икки бор ҳисобда ортда бориб, якунда камбэк эвазига рақиб дарвозасига уч маротаба йўл топа олишди. Элдор Шомуродов дастлаб ҳисобни тенглаштирган бўлса, Остон Ўруновнинг ғалаба голига пас узатиб берди. орада Ҳусниддин Алиқулов ҳам ўз ҳисобига гол ёздириб қўйди.
Таҳлилчилар ва экспертлар бу ўйин борасида ҳам ўз фикр-мулоҳазаларини билдирмоқда.
Данила Даченков, Setanta Sports эксперти ва шарҳловчиси:
Самарадорлик бўйича анча ёрқин ўйин бўлди. Айниқса, Остон Ўрунов зўр ўйнади. Биз уни “Уфа” ва “Спартак”даги ўйинларидан яхши биламиз, ҳозир Эронда тўп тепяпти. Остон Ўрунов ва Элдор Шомуродов каби чарм тўп усталари Ўзбекистон ва Қирғизистон ўртасидаги фарқни таъминлаб туради. Қирғизистонда бунақа талантлар йўқлиги маълум.
Бундан ташқари, Францияда ўйнаётган Абдуқодир Ҳусановни ҳам ҳамма билади. Элдор Шомуродов бу мавсум “Рома”да кўпроқ ўйин амалиётига эга бўлиши кутилмоқда. Шунингдек, Осиёнинг кучли лигаларида иштирок этаётган футболчилар бор.
Шу боис, Ўзбекистон жуда иқтидорли ва салоҳиятли терма жамоа сифатида намоён бўлмоқда.
![](/uploads/posts/2024-09/x3b278c3904_1.webp.pagespeed.ic.OoBHHtTw6f.webp)
Гиви Джаши, россиялик футбол шарҳловчиси:
Ўзбекистон миллий терма жамоаси жаҳон чемпионатига чиқа оладими? Чиқади, деб ўйлайман. Бу гуруҳда битта кучли рақиб борлиги тушунарли. Бироқ Ўзбекистон терма жамоасида Европа клубларида ўйнаётган бир неча ўйинчилар борлигини инобатга олиш керак. Улар ўз клубларидан футбол ўйнаш усулларини терма жамоага олиб киради.
Бу жамоа сўнгги учрашувда 3:2 ҳисобида ғалаба қозонгани ҳам муҳим кўрсаткич. Улар тўп ўтказиб юборганига қарамай, мағлубиятни ғалабага айлантириб юборишни уддалай олди.
Октябрь ойидаги ФИФА кунларида Ўзбекистон миллий терма жамоаси иккита ўта муҳим учрашувни ўтказади. 10 октябрь куни ҳамюртларимиз ҳали очко йўқотмаган ва дарвозасидан бирорта тўп ўтказиб юбормаган Эрон терма жамоасини Тошкентда қабул қилади.
![](/uploads/posts/2024-09/xa0b6e57114_1.webp.pagespeed.ic.HKQ672xA0a.webp)
Орадан беш кун ўтиб, футболчиларимиз гуруҳда учинчи ўринни эгаллаб турган Бирлашган Араб Амирликлари терма жамоасига қарши сафарда тўп тепади. Мана шу икки ўйин кўп нарсага ойдинлик киритади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![Беш араб давлати Исроилга талаб қўйди расм](/uploads/posts/2024-09/xd2c07cef8f_920__95_1374385324.webp.pagespeed.ic.ebGXPFENvC.webp)
Беш араб давлати Исроилга талаб қўйди
![Россия ва Ўзбекистон ўртасида «Агроэкспресс» қатновлари бўйича шартнома имзоланди расм](/uploads/posts/2024-09/x13c9bb0dfa_nfcjm6hvlxy9gu5g_unab7ngkngxofbl.webp.pagespeed.ic.sOri8Ep9Z5.webp)
Россия ва Ўзбекистон ўртасида «Агроэкспресс» қатновлари бўйича шартнома имзоланди
![Ўзбекистон ва Россия ҳукуматлараро қўшма комиссиянинг навбатдаги мажлиси бўлиб ўтди расм](/uploads/posts/2024-09/x536b010a70_2024-09-092023_01_17-v9qpxd_b.webp.pagespeed.ic.gYW6aS_aTD.webp)
Ўзбекистон ва Россия ҳукуматлараро қўшма комиссиянинг навбатдаги мажлиси бўлиб ўтди
![Андижонда 3,4 минг долларни 43,2 млн сўмга сотган шахс ушланди расм](/uploads/posts/2024-09/x9318e9d0eb_2024-09-092020_20_03-pz4kzlpw.webp.pagespeed.ic.vVbRlxHCNV.webp)
Андижонда 3,4 минг долларни 43,2 млн сўмга сотган шахс ушланди
![Мераб Двалишвили ва Шон О'Мэллини боғлаб турувчи жуда ҳам қизиқ факт расм](/uploads/posts/2024-09/xb8be2d1e21_77e4bb3417507f93e0fc1297c298c1de.webp.pagespeed.ic.CWPTCC8qYv.webp)
Мераб Двалишвили ва Шон О'Мэллини боғлаб турувчи жуда ҳам қизиқ факт
![Афғон аёллари Ўзбекистон тиббиёт олийгоҳларида ўқитилади расм](/uploads/posts/2024-09/x0700e0452c_n_fvbt1ibocndrgtmwew1mn12j0huhxb.webp.pagespeed.ic.Lp2FlIHRSR.webp)
Афғон аёллари Ўзбекистон тиббиёт олийгоҳларида ўқитилади
![Уэлс маликаси кимётерапия курсини тугатди: “Даволаниш йўли жуда мураккаб” расм](/uploads/posts/2024-09/x6473c59ab9_7254b2d0-6ec9-11ef-8c1a-df523ba43a9a_png-6nfhgkw9.webp.pagespeed.ic.DxV70hBISP.webp)
Уэлс маликаси кимётерапия курсини тугатди: “Даволаниш йўли жуда мураккаб”
![Исроил мудофаа вазири: “ҲАМАС энди ҳарбий куч сифатида мавжуд эмас” расм](/uploads/posts/2024-09/xdd6d52724f_gallant2-yhbfe6-s.webp.pagespeed.ic.pQOpfY-WLf.webp)
Исроил мудофаа вазири: “ҲАМАС энди ҳарбий куч сифатида мавжуд эмас”