Аббосбек Файзуллаев ўтган йили август ойида “Пахтакор”дан Премьер-лига вакили Москванинг ЦСКА клубига кўчиб ўтганида Россия футболига таниш эмасди.
Ҳужумкор футболчимиз қисқа фурсатда “армиячилар”нинг асосий ўйинчисига айланди. Жамоанинг ҳужумлари айнан ўзбек легионери орқали ташкил этилди. ЦСКА Премьер-лигада энг кўп гол урган жамоага айланди.
20 ёшли ҳамюртимиз чемпионат ва кубок мусобақаларида жами 32 та учрашувда иштирок этиб, рақиблар дарвозасини беш маротаба ишғол қилди, жамоадошларига 14 та голли пас узатди. Юқори самарадорлик, мазмунли ўйин, етакчилик қобилияти туфайли Аббосбек Россия Премьер-лигасининг асосий кашфиёти бўлди.
Янги мавсумда мухлис-у мутахассислар Файзуллаевдан янада ёрқин ўйин кутмоқда. Бироқ бу гал ҳамюртимиз аввалгидек сермаҳсул ўйин намойиш қила олмаяпти. Премьер-лигада олтита ва кубокда иккита учрашувда майдонга тушган Аббосбек бир жуфт ассистни амалга оширди холос.
Россия терма жамоаси ва ЦСКАнинг собиқ футболчиси Евгений Алдонин Файзуллаевга бўлган ишончни йўқотмаслик лозимлигини, Аббосбек яна юқори савияда ўйнашга қодирлигини таъкидламоқда.
- Аббосбекнинг мавсумолди тайёргарлиги пухта бўлгани йўқ. Олимпия ўйинларидаги иштироки туфайли ЦСКА билан деярли шуғулланмади ҳисоб.
Бундан ташқари, Файзуллаев ўзига бўлган талабни бир поғона кўтарди ва ҳозирча бу даражага етишиши қийин кечмоқда.
У ҳали ёш футболчи ва унинг ёшида ўйинида пасайишлар бўлиши табиий ҳол ҳисобланади. Мен Аббосбек яна юқори спорт формасини тиклаб олиб, зўр ўйин кўрсатишига аминман.
Агар Аббосбек ўйин темпига тушиб олса, саломатлиги панд бермаса, мавсумнинг иккинчи ярмида ундан жуда кўп нарса кутса бўлади, деб ўйлайман. Унинг футбол тафаккури яхши шаклланган ва шу боис, асосий масала жисмоний тайёргарлик ва ҳолатга боғлиқ бўлади, - деди Евгений Алдонин.
Дарҳақиқат, ЦСКА жорий мавсумда чемпионлик учун курашиши кутилган эди. Ана шу мақсадда бош мураббийликка сербиялик мутахассис Марко Николич таклиф этилди.
Бироқ жамоа ўйинида сезиларли ўсиш бўлгани йўқ. “Армиячилар” чемпионатда саккизта учрашувдан тенг ярмида очко йўқотди. Айниқса, улар юқори ўринлар учун курашдаги тўғридан-тўғри рақиблари – “Краснодар”, “Локомотив” ва “Зенит”га имкониятни бой бергани жамоага анча қимматга тушди.
ЦСКАнинг ҳужумкорлиги кўп жиҳатдан Аббосбек Файзуллаевнинг ўйинига боғлиқ бўлгани учун муваффақиятсизликлардан кейин легионеримизни танқид қилганлар ҳам бўлди.
Москвалик “армиячилар” навбатдаги учрашувни Россия кубоги доирасида 18 сентябрь куни “Краснодар”га қарши ўтказади. Премьер-лигадаги навбатдаги тур ўйинида ЦСКА 21 сентябрда “Рубин” жамоаси меҳмони бўлади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Олимлар Антарктида устидаги озон тешигининг қисқарганини эълон қилди
“Ҳизбуллоҳ” Ливандаги пейжер портлашлари туфайли Исроилни жазолаш билан таҳдид қилди
Россия Бойсундаги қудуқда водород сулфиди сизиб чиқишини бартараф этишга ёрдам берди
Исроил собиқ бош вазири Нетаньяхуни Ғазодаги операцияни чўзишда айблади
8 мингга яқин ўзбекистонлик Литвада яшаш учун рухсатнома олгани маълум бўлди
“Ҳизбуллоҳ” ва ҳусийлар Исроилга ракеталар учирди
Медведев Россияга “душманлар” базасини яратишни таклиф қилди
Россия Харьковга авиабомбалар билан зарба берди
