69
Шахмат Олимпиадаси. Нодирбек Абдусатторовнинг тажрибаси эвазига Ўзбекистон жамоаси 8-турда ғалаба қозонди
Фото: Uzchess
Венгрия пойтахти Будапешт шаҳрида Бутунжаҳон шахмат Олимпиадаси давом этмоқда.
19 сентябрь куни мусобақанинг 8-тур учрашувлари бўлиб ўтди. Унда эркаклар терма жамоаси Сербия билан, қизлар жамоаси эса АҚШ терма жамоаси билан баҳс олиб борди.
Эркаклар терма жамоаси қийин баҳсда Сербияни 2,5 : 1,5 ҳисобида мағлуб этди. Жамоанинг уч аъзоси дуранг қайд этди ва ҳал қилувчи баҳсда Нодирбек Абдусатторов жуда катта тажрибага эга эканини исботлаб жамоа учун муҳим бўлган ғалабани олиб келди.
Ўзбекистон — Сербия 2,5:1,5
- Нодирбек Абдусатторов — Александр Предке 1:0;
- Нодирбек Якуббоев — Алексей Сарана 0,5 : 0,5;
- Жавоҳир Синдоров — Александар Инжич 0,5:0,5;
- Шамсиддин Воҳидов — Велимир Ивич 0,5 : 0,5.
Фото: Uzchess
Қизлар жамоаси эса афсуски 0,5 : 3,5 ҳисобида АҚШга ютқазди. АҚШ таркибида бўлган Гулруҳбегим Тоҳиржонова Ўзбекистонга қарши баҳсда иштирок этмади.
Қизлар:
Ўзбекистон — АҚШ 0,5 : 3,5
- Афрўза Ҳамдамова — Вип Карриса 0:1;
- Нилуфар Якуббоева — Ирина Круш 0:1;
- Умида Омонова — Алисе Лее 0:1;
- Нодира Нодиржонова — Анна Затонски 0,5:0,5.
Фото: Chess
Ушбу ғалабадан сўнг амалдаги чемпионлар, Ўзбекистон эркаклар жамоаси 2-ўринга кўтарилиб олди. 20 сентябрь куни Ўзбекистон жамоаси 8 турнинг барчасида ғалаба қозониб келаётган Ҳиндистон жамоасига қарши баҳс олиб боради. Ушбу ўйин принципиал аҳамиятга эга. Бундан аввалги мусобақада айнан Ҳиндистон устидан қозонилган ғалаба ўзбекистонликларга бош совринни олиб келганди.
Фото: Chess
8-турдаги мағлубият сабаб Ўзбекистон қизлар жамоаси 25-поғонага тушиб кетди, аммо юқори ўриндаги жамоалар билан фарқ катта эмас. Ўзбекистонлик қизларда юқори ўринларни эгаллаш учун имконият сақланиб турибди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Хитой қитъалараро баллистик ракетани илк бор оммавий синовдан ўтказди
Қозоғистон Евросиёдаги энг тинчликсевар давлат деб топилди
Хитой мамлакатларни жунгли қонунидан воз кечишга чақирди
Трамп: Россия Гитлер ва Наполеонни мағлуб этган, Москва мағлубиятини кутишнинг ҳожати йўқ
“Ўзбекистон гўзали”: “Унинг шартига кўнсам, Lamborghini олиб беришини айтган”
Трамп Зеленскийнинг АҚШга ташрифи чоғида у билан учрашишдан бош тортди
Чехия президенти: "Уруш оқибатида Украина ҳудудларини йўқотади”
Лионель Месси ўз продюсерлик компаниясига асос солди