21
Даниел Гомес: "Ўзбекистоннинг машғулотларини ва видеоларини кўп кўргандик. Рақибни яхши ўрганганимиз самара берди"
Жаҳон чемпионати 3-туридан ўрин олган Коста-Рика - Ўзбекистон (5:3) учрашувидан сўнг Коста-Рика терма жамоаси футзалчиси Даниэл Гомес сайтимизга кичик интервью берди.
- Ўйин ҳақидаги фикрларингиз билан бўлишсангиз?
- Ўта қийин баҳс бўлишини билардик. Мезбон жамоага қарши ўйнаётганимиз ҳам бизга ортиқча босим ўтказаётганди. Фақатгина ғалаба қозониш биз учун қониқарли натижа бўлар эди. Яратганга шукр, биз ижобий натижа қайд эта олдик.
- Ўзбекистон терма жамоаси ҳақида нималар дея оласиз? Ушбу жамоа сизларни нимаси билан ҳайрон қолдира олди?
- Ўзбекистон жуда тезкор жамоа эканлигидан хабарим бор эди. Терма жамоангиз бир ёки иккита пас орқали ўйнай оладиган жамоа. Рақиб жамоанинг қарши курашиш қанчалик қийин бўлмасин, биз ўзимизга керакли натижа қайд этишга мажбур эдик. Биз тўпни олиб қўя олдик ва голлар урдик.
- Коста-Рика терма жамоаси плей-офф босқичига йўл олди. Кейинги босқич ҳақидаги фикр билдириб ўтсангиз?
- Айни дамда биз ким рақибимиз бўлишини билмаймиз. Нидерландия Парагвайни мағлуб этганидан хабарим бор ва улар гуруҳда иккинчи ўринни қўлга киритишди. Биз учинчи ўринни эгаллаган энг яхши жамоа бўла олдик ва қайсидир гуруҳда биринчи ўринни эгаллаган жамоага қарши ўйнаймиз. Ким рақиб бўлишидан қатъий назар биз фақатгина ғалаба қозониш учун ўйнаймиз.
- Ўзбекистон терма жамоасининг бугунги учрашувда мағлубиятга учрашига нима сабаб бўлди деб ўйлайсиз?
- Хўш, биринчи навбатда Ўзбекистон бугунги баҳсда турли хил услубларда ўйнаганини таъкидлаб ўтмоқчиман, бу жамоа кўп вақтдан бери бирга ўйнаб келаётганига исбот бўла олади. Рақибимиз бугун бир-иккита пас орқали ҳужумга ўтди. Жамоа қандай ўйнашни ва тактикаларни ёддан билишидан хабаримиз бор эди. Бундай тезкор жамоаларга қарши ҳимояланиш осон вазифа эмас. Биз Ўзбекистон терма жамоасининг машғулотларини кузатиб бордик, видеоларини томоша қилдик. Ўзбекистонга қарши қандай самарали ўйнаш кераклиги ҳақида кўп бош қотиргандик. Барча меҳнатларимиз ўз самарасини берди ва бугун рақибимиз бизга кўп муаммо ярата олмади.
Абдулвосит Бектемиров суҳбатлашди
«Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Диний қўмита Умра зиёратини ташкил қилиш учун 12 та турфирмага лицензия берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Жиззахда Cobalt катта тезликда икки қизчани уриб юборди
