Камолиддин Тожиев: "Драган Черан бу мавсумда ҳам тўпурар бўлмоқчи. Максим Шацких билан маслаҳатлашиб турибман"

Суперлига 21-туридан ўрин олган "Пахтакор" - "Динамо" (4:2) баҳсидан сўнг мезбонлар бош мураббийи Камолиддин Тожиев матбуот анжуманида иштирок этди.

"Бугун мухлисларга маъқул келадиган ўйин бўлди. Ўтказиб юборган голларимизни ўзимизнинг хатоларимиз туфайли ўтказиб юбордик. "Динамо" жуда яхши шаклланган жамоа ва тезкор ҳужум чизиғига эга. Шу сабабли бугун икки жамоа ҳам қизиқарли футбол намойиш этди", - деди Камолиддин Тожиев.

- Драган Черан сўнгги учта учрашувда 5та гол ва 2та ассист қайд этди. Бунга қадар Драган ёрқин ўйин намойиш этмаётганди. Бунга сабаб нима? Балки сиз Черанни яхши машғулот қилдираётгандайсиз ёки Драган Чераннинг бош мураббий Максим Шацких билан бўлган муносабатлари яхши эмас эдими?

- Машғулотларда кўпроқ импровизация қилишга имконият беряпмиз. Футболчи бутун мавсум давомида барқарор ўйин намойиш этиши иложсиз. Футболчилар билан биргаликда муаммоларни енгиб ўтишга ҳаракат қиляпмиз. Черан жорий мавсум ҳам энг яхши тўпурар бўлмоқчи, шу сабабли кўп голлар урмоқда.

- Бугунги учрашувни Абдурауф Бўриев, Дониёр Абдуманнопов ва Иброҳим Ибрагимовлар ўтказиб юборишди. Бунинг сабаби нимада?

- Ибрагимовнинг нервлари шамоллаган эди. У икки ҳафтадан буён даволанмоқда. Бўриевнинг қўлидан жароҳат олди. Аниқроғи, суяги дарс кетди. Абдуманноповнинг оёғи тўрт кундан буён оғрияпти. У жамоа билан шуғулланмоқда, аммо ҳали майдонга тушишга тайёр эмас.

- Жамоани вақтинчалик сиз бошқаряпсиз. Бош мураббий вазифасини бажариш қанчалик қийин экан? Максим Шацких билан алоқадамисиз? Максим Александрович жамоага маслаҳат бериб турибдими?

- Мен ҳеч қачон бош мураббий ролида ишлаб кўрмаганман. Қийинчиликлари бор, албатта. Максим Шацких билан маслаҳатлашиб турибман, бу сиз иложи йўқ.

- "Персеполис"га қарши ўйин ҳақида батафсилроқ тўхталиб ўтсангиз?

- Эрон сафарига боришдан олдин рақибни яхши ўрганиб чиққандик. 40-сонияда ўтказиб юборган голимиз омадсизлик эди. Иккинчи бўлимда анча яхши ўйнадик. Рақибга очиқ зоналар қолдирмадик. "Персеполис" Остон орқали қанотдан ҳужум қилишга ҳаракат қилди, аммо биз қанотлардаги хавфни бартараф этдик. Умуман олганда, яхши ўйин ўтказдик.

- Жамоа атрофида турли хил гап-сўзлар юрибди. Бундай қийин вазиятда жамоадаги ички муҳит қандай? Кийиниш хонасидаги атмосфера ҳақида айтиб ўтсангиз?

- Ички муҳит аъло даражада. Футболчилар жуда аҳил. Биз бир жамоамиз. “Замин” янгиликларини “Одноклассники”да кузатиб боринг