Камолиддин Тожиев: Ҳозиргача биз дуч келган рақиблар орасида “Райян” энг кучли жамоа деб ўйлайман

^{Фото: “Пахтакор”}
Футбол бўйича “Пахтакор” жамоаси ОФК Элит Чемпионлар Лигаси 4-турида Қатарнинг “Ар-Райян” жамоасига қарши баҳс олиб боради.

Учрашув олдидан “шерлар”нинг вақтинчалик мураббийи Камолиддин Тожиев ва футболчи Абдурауф Бўриев иштирокида матбуот анжумани ўтказилди.

Бизни эртага муҳим ва қизиқарли ўйин кутиб турибди. Ҳозиргача биз дуч келган рақиблар орасида “Райян” энг кучли жамоа деб ўйлайман. Мухлисларга ёқадиган футбол намойиш этишга ҳаракат қиламиз. Бу жамоанинг ҳужум чизиғидаги футболчилари жуда кучли.

Ушбу турнирда очиқ футбол ўйнаш осон эмас. Шу сабабли рақибни ўрганиб чиқиб, уларнинг кучли тарафларини беркитишга ҳаракат қиламиз.

Шунингдек, Бўриев ҳам бўлажак баҳс ҳақида ўз фикрлари билан ўртоқлашди:

Бизни ушбу мусобақада яна бир жиддий рақибга қарши баҳс уринамиз. Жароҳат олганимдан кейин тез орада машғулотга қайтдим. Дастлабки пайтда озроқ қийинчилик бўлди, лекин ҳозир қўлим яхши ҳолатда. Ҳеч қайси жамоадан қўрқмаймиз, ўзимизни кўрсата оламиз. Юртимиз шаънини муносиб ҳимоя қилишга боримизни берамиз.

Эслатиб ўтамиз, “Пахтакор” 1-турда “Ал-Васл”га 0:1 ҳисобида мағлубиятга учраган эди. 2-турда эса “Персеполис” билан 1:1 ҳисобида дуранг қайд этилганди.

3-турда эса “Пахтакор” “Шорта” билан 0:0 ҳисобида дуранг ўйнади. “Замин” янгиликларини “Telegram”да кузатиб боринг