“Локомотив” Александр Крестинин билан шартномани бекор қилди

^{Фото: “Локомотив”}
“Локомотив” клуби россиялик мураббий Александр Крестинин билан шартномани бекор қилди.

Суперлиганинг 23-турида “Насаф”га имконият бой берилганидан сўнг “темирйўлчилар” мураббийни истеъфога чиқарди. Бу ҳақида ПФЛ матбуот хизмати маълум қилди.

Крестинин июнь ойида жамоада иш бошлаган эди. 5 ойлик фаолиятдан сўнг у жамоани тарк этмоқда.

“Локомотив” Суперлигада 18 очко билан 13-ўринда бормоқда. Жамоа сўнгги 5 ўйиндан буён мағлубиятга учраб келмоқда. “Локомотив” 7 ноябрь куни 24-тур доирасида “Динамо”га қарши баҳс олиб борди. «Замин»ни Telegram’да ўқинг!