“Реал” яна бир “бомба” трансферга қўл уришни кўзлаяпти...

“Реал” айни пайтда жаҳон футболида энг кучли таркибни жамлаганига қарамай, юлдуз футболчиларни олиб келишни тўхтатмайдиган кўринади.

Бу гал мадридликлар нишонига “Челси” ва Англия терма жамоасида порлаётган Коул Палмер тушди.

22 ёшли футболчининг талантини уни тарбиялаган “Манчестер Сити” илғай олмай, рақиб клуб – “Челси”га сотиб юборган эди. “Аристократлар” сафида ҳужумкор футболчи Премьер-лиганинг энг самарадор ўйинчисига айланди.

Айнан Палмернинг ҳаракатлари “Челси”га учрашувларда ижобий натижа қайд этишга ёрдам бермоқда.

Футболчининг меҳнатини қадрлаган лондонликлар ёзда унинг шартномасини 2033 йилнин 30 июнигача узайтирди. 47 миллион еврога трансфер қилинган ўйинчининг бугунги нархи камида икки баравар кўтарилган.

Экспертлар “Реал” Коул Палмерни олиш учун 100 миллион евродан кўпроқ маблағ сарфлашига тўғри келишини таъкидламоқда. “Қироллик клуби” шунга қарамай, имкон бўлишига “бомба” трансферни амалга оширишга тайёр. «Замин»ни Telegram’да ўқинг!