Карло Анчелотти: "Мухлисларнинг менга ҳуштакбозлик қилишлари жуда адолатли"

"Реал Мадрид" бош мураббийи Карло Анчелотти "Лас-Пальмас"га қарши баҳсдан аввал матбуот анжуманида иштирок этди. Мутахассис ҳозирда клубнинг ҳолати ва бир нечта футболчилар ҳақида гапириб ўтди.

"Клубдаги барча билан жуда яхши муносабатдаман. Мен ҳар доим қўллаб-қувватланаётганимни ҳис қиламан ва бу охирги кунгача шундай бўлади. Биз албатта биргаликда ишлашда давом этамиз.

Агар сиз ҳамма нарсани биламан деб ўйласангиз, ўз даражангизни пасайтира бошлайсиз. Шу сабабли, мен ҳали ҳамон анча яхшиланишим керак. "Барселона" билан ўйиндаги хатолар бу менинг елкамда, барча маъсулиятни ўз бўйнимга оламан.

Бундан ташқари, мухлисларнинг менга бўлган ҳуштакбозлик қилишлари ҳам жуда мақбул ва адолатли, деб ҳисоблайман. Бизнинг мухлислар ҳеч қачон қилган ишимизни унутишмайди. Бу жамоа тирик ва охиригача курашади”, - деди италиялик бош мураббий.

Эслатиб ўтамиз, "қироллик клуби" бугун "Лас-Пальмас"га қарши баҳс олиб боради. Мазкур тўқнашув 20:15 да старт олиши режалаштирилган. “Замин” янгиликларини “Telegram”да кузатиб боринг