Роналду кимни "дунёдаги энг яхши футболчи" деб билишини айтди

Саудия Арабистонининг “Ан-Насср” клуби ҳужумчиси Криштиану Роналду нега ўзини тарихдаги энг яхши футболчи деб билишини ва нима учун аргентиналик футболчилар Лионель Месси ва Диэго Марадона ундан кейин тилга олиниши керак эканини тушунтирди.

“Одамларга Месси, Пеле ёки Марадона ёқиши мумкин, ва мен буни ҳурмат қиламан, лекин мен улардан кўра мукаммалроқ футболчиман. Мен тарихдаги энг яхши ўйинчиман. Мен ўзимдан яхшисини кўрмаганман… Мен бош билан яхши зарба йўллайман, жарима зарбаларини яхши бажара оламан, тез ҳаракат қиламан, жисмонан кучлиман ва баланд сакрай оламан”, деди Роналду La Sexta нашрига берган интервьюсида.

Маълумот учун, Роналду беш карра Чемпионлар Лигаси ғолиби бўлган. Бундан таҳқари, у беш марта “Олтин тўп” совринини қўлга киритган. Роналду Португалия терма жамоаси билан 2016 йилда Европа чемпиони ва 2019 йилда УЕФА Миллатлар Лигаси ғолиби бўлган.

Осиё Чемпионлар Лигаси 7-тур доирасида Саудия Арабистонида “Ан-Насср” ва “Ал-Васл” жамоалари ўртасидаги учрашув бўлиб ўтди. Унда мезбонлар йирик 4:0 ҳисобида ғалаба қозонди.

Учрашувда Роналду дубль қайд этиб, фаолиятидаги голлари сонини 923 тага етказди. Ушбу ғалабадан сўнг “Ан-Насср” 16 очко билан 3-ўринда, “Ал-Васл” эса 11 очко билан 5-ўринда бормоқда. “Замин” янгиликларини “Telegram”да кузатиб боринг