Ўзбекистонлик таниқли боксчи, икки карра олимпия чемпиони Баҳодир Жалолов, ўзининг профессионал боксдаги келажак режаларини ошкор қилди. 14 та ғалаба (барчаси нокаут билан) қайд этган Жалолов фақат жаҳон чемпионларига қарши жанг қилиш истагини билдирди. Бу ҳақда The Ring нашри хабар берди.
Жалоловнинг айтишича, у украиналик Александр Усик каби йирик чемпионларга қарши рингга чиқишга тайёр:
"Менинг мақсадим – фақат чемпионлар билан жанг қилиш. Бошқа вариантларни ўйламайман."
Ўзбек боксчиси 2-3 ойлик тайёргарликдан кейин Усик билан жангга тайёрлигини таъкидлади. У, шунингдек, Энтони Жошуа билан ҳам куч синашишни истаётганини билдирди. Баҳодирнинг фикрига кўра, бу уч боксчи олимпия чемпионлари бўлиб, профессионал боксда ҳам катта ютуқларга эришган.
Эслатиб ўтамиз, Баҳодир Жалоловнинг 6-февраль куни канадалик Монреал шаҳрида француз боксчиси Давид Спилмонт билан ўтказиши керак бўлган жанги унинг соғлиғидаги муаммолар сабаб бекор қилинган эди. Спилмонт профессионал боксда 16 ғалаба, 8 мағлубият ва 1 дуранг натижага эга бўлиб, 11 марта нокаут билан ғалаба қозонган.
Жалоловнинг кейинги жанги қачон ва кимга қарши бўлиши ҳозирча номаълум. Бироқ, унинг сўзларига кўра, у фақат чемпионлик жангига эътибор қаратмоқчи. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
