Сешанба куни "Реал" Чемпионлар Лигаси доирасида "Манчестер Сити" меҳмони бўлади. Карло Анчелотти яқинда Антонио Рюдигер ва Давид Алабанинг жароҳатидан сўнг марказий ҳимоячи борасида қийналмоқда.
"Mundo Deportivo"нинг ёзишича, мураббий яна иккита позиция - ҳимоя қанотлари бўйича ҳам хавотирда. Фран Гарсия ва Лукас Васкеснинг “Атлетико”га қарши дербидаги ўйинлари "Реал" устозини ўйлантириб қўйди. Бундан ташқари, Васкес жароҳат олиб ҳам улгурди.
Федерико Вальверде "Манчестер Сити"га қарши ўнг қанотда ўйнаши кутилмоқда (уругвайлик футболчи мавсум давомида бир неча бор бу позицияда ҳаракат қилди). Ферлан Менди эса чап қанотда ҳаракатланиши мумкин.
Эслатиб ўтамиз, "Манчестер Сити" – "Реал" учрашуви 11 февраль куни Тошкент вақти билан 01:00 да бошланади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
