18:49 / 19.02.2025
1 087

“Реал” юлдузи Жуд Беллингем нечта ўйинга четлаштирилди?

“Реал” юлдузи Жуд Беллингем нечта ўйинга четлаштирилди?
Испания чемпионатининг 24-турида “Реал” Памплонада “Осасуна” билан 1:1 ҳисобида дуранг ўйнаб, мусобақа жадвалидаги пешқадамликни "Барселона"га бўшатиб берди.

Энг ёмони – мадридликлар учрашувида яна ҳакамлик билан боғлиқ муаммо келиб чиқди. Гап шундаки, “Реал” юлдузи Жуд Беллингем беллашувнинг 39-дақиқасида бош ҳакам Хосе Мунуэра Монтерони ҳақорат қилгани учун қизил карточка билан жазоланди.

Ўйинчининг ўзи ва бош мураббий Карло Анчелотти ўша вазиятда ҳакам ҳақорат қилинганини тан олмади.

Шунга қарамай, Испания Қироллиги футбол федерациясининг Тартиб-интизом қўмитаси вазиятни ўрганиб чиқиб, Беллингемни дисквалификация қилиш ҳақида қарор чиқарди.

Энди англиялик ҳужумкор футболчи иккита учрашувда жамоасига ёрдам бера олмайди.

arenda kvartira tashkent
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Янгиликлар » Спорт