Беллингем бир кунда иккита дисквалификация олди

Мадриднинг "Реал" клуби ярим ҳимоячиси Жуд Беллингем бир кун ичида иккита дисквалификация олди. Чоршанба куни футболчининг Испания чемпионатида икки ўйинга дисквалификация қилингани маълум бўлди. Бундай қарор ҳафта охирида бўлиб ўтган ўйинда инглиз футболчиси ҳакамга ҳақоратли сўз айтгани учун қизил карточка олгани туфайли қабул қилинди. "Реал Мадрид" ушбу жазога шикоят қилишни режалаштирмоқда.

Беллингем чоршанба куни кечқурун "Манчестер Сити"га қарши Чемпионлар Лигаси жавоб учрашувида ҳам сариқ карточка олди. Шу сабабли, у "Реал" кейинги босқичга чиқса, 1/8 финалнинг илк учрашувини ўтказиб юборади.

Агар "Реал Мадрид" Чемпионлар Лигасининг 1/8 финалига йўл олса, у ерда "Атлетико Мадрид" ёки "Байер" билан тўқнаш келиши мумкин. «Замин»ни Telegram’да ўқинг!