"Қизиллар" сўнгги бор 2015 йилнинг ноябрида АПЛ доирасида "Манчестер Сити"ни меҳмонда мағлуб этган эди. Ўшандан бери қарийб ўн йил ўтди, аммо "Ливерпуль" "Этиҳад"даги қарғишни йўқ қилишга муваффақ бўлгани йўқ.
2015 йилдаги ғалаба ва ўша даврнинг қаҳрамонлари
Ўшанда "Ливерпуль" 4:1 ҳисобида ғалаба қозонганди. Голлар муаллифи сифатида Элиаквим Мангала (автогол), Филиппе Коутиньо, Роберто Фирмино ва Лукас Лейва қайд этилган. Бугун улар қаерда эканини эслайсизми?
- Мангала – фаолиятини давом эттирмоқда, аммо илк даражада эмас.
- Коутиньо – Бразилияда, "Васко да Гама"га қайтган.
- Фирмино – Саудия Арабистонида "Ал-Ахли" сафида.
- Лукас Лейва – фаолиятга якун ясаган.
Бугунги вазият
Ҳозирги "Ливерпуль" юқори савияда ва "Сити" инқироз ҳолатида. Слот жамоаси, айниқса, бу мавсумда кучли ҳаракат қилмоқда ва чемпионлик йўлида жиддий даъвогар ҳисобланади. Сўнгги йилларда "Этиҳад"даги муваффақиятсизликлар бугун якун топиши мумкин.
Слот лаънатни йўқ қила оладими?
Кенг жамоатчиликда "Этиҳад"да "Ливерпуль" ғалаба қозона олмайди деган фикр кенг тарқалган. Аммо бу сафар Слотнинг шогирдлари ғалаба қозониш учун энг катта имкониятга эгадек кўринмоқда. Бу ўйин "Ливерпуль" учун нафақат уч очко, балки психологик устунликни қўлга киритиш учун ҳам муҳим аҳамият касб этади.
Кўрамиз, бугун бу тарихий серия тугайдими ёки "Ливерпуль" яна бир бор "Этиҳад"даги муваффақиятсизликка дуч келадими? “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
