"Манчестер Сити" янги футболчи жамоа сафига келиб қўшилганини эълон қилди

Клуб 19 ёшли ярим ҳимоячи клуб ихтиёрига келиб қўшилганини маълум қилди. Ярим ҳимоячи Клаудио Эчеверри Жанубий Америка U-20 чемпионатидан сўнг "Манчестер Сити" таркибига келиб қўшилди.

19 ёшли хавбек мусобақанинг иккинчи энг яхши тўпурари номига сазовор бўлди. У 9 ўйинда 6 та гол уришга муваффақ бўлди. Аргентина терма жамоаси эса кумуш медалга эга чиқди.

Футболчи "шаҳарликлар" билан 2024 йилнинг январь ойида шартнома имзолаган, лекин ижара ҳуқуқи асосида "Ривер Плейт"да қолганди.

Манба: mancity.com