Кевин де Брюйне келажаги бўйича қандай қарорга келди?

"Манчестер Сити"нинг энг етакчи футболчиларидан бири Кевин де Брюйне ўз келажаги ҳақида қарор қабул қилиши керак.

33 ёшли плеймейкернинг ўйин даражаси пасайганлиги сабабли, клуб бош мураббийи Хосеп Гвардиола уни таркибда олиб қолмоқчи эмас. Клуб раҳбарияти эса, агар бельгиялик футболчи жамоада қолса, янги шартнома бўйича унга ҳозиргидан уч баравар кам маош таклиф қилиниши таъкидламоқда.

Mirror нашрининг хабарига кўра, тажрибали футболчи АҚШ ва Саудия Арабистони клубларидан манфаатли таклифлар олганига қарамай, “Манчестер Сити”да қолиш истагида.

Манбага кўра, Де Брюйненинг асосий мақсади – 2026 йилги Жаҳон чемпионатига юқори спорт формаси билан етиб бориш. Шу сабабли у ўз муҳити ва жамоасини ўзгартирмасликни афзал кўрмоқда.

Шу омилларни ҳисобга олган ҳолда, Кевин де Брюйне “шаҳарликлар”нинг янги шартнома бўйича талабларини қабул қилишга рози бўлди. Ҳатто у Хосеп Гвардиола жамоасида иккинчи даражали роль бажаришга ҳам тайёрлигини билдирди. “Замин” янгиликларини “Telegram”да кузатиб боринг