Европанинг энг юқори рейтингли футболчилари аниқланди

Европа топ-5 лигаларида мавсум давомида энг яхши ўйин намойиш этган футболчилар аниқланди. Who Scored платформаси томонидан тақдим этилган рейтингда дунё футболининг энг юқори баҳоланган юлдузлари жой олди.

Ламин Ямал – Европанинг энг яхши футболчиси!

Афсонавий мавсумни ўтказаётган "Барселона"нинг 17 ёшли вингери Ламин Ямал рейтингда биринчи ўринни эгаллади. Унинг умумий баҳоси 7.96 баллни ташкил этди. Катта тажрибага эга бўлган юлдузлар орасида ёш иқтидор энг юқори натижага эришиб, мухлисларни ҳайратда қолдирди.

Муҳаммад Салаҳ – тажриба ва барқарорлик рамзи

Иккинчи ўрин "Ливерпуль" ҳужумчиси Муҳаммад Салаҳга насиб этди. 31 ёшли мисрлик юлдуз мавсум давомида 25 та гол ва 17 та голли узатма амалга оширди. Who Scored баҳоларига кўра, унинг натижаси 7.89 балл бўлди.

Салаҳ ўзининг юқори самарадорлиги ва аниқ зарбалари билан Европа футболида ҳануз энг таъсирли футболчилардан бири эканлигини исботламоқда.

Ҳарри Кейн – тажриба ва голларга бой мавсум

Учинчи ўринни "Бавария" ҳужумчиси Харри Кейн эгаллади. Унинг баҳоси 7.86 балл бўлиб, мавсум давомида жамоаси учун муҳим голларни киритишда давом этмоқда.

Англиялик ҳужумчи Германиядаги илк мавсумидаёқ юқори самарадорлик намойиш этиб, Бундеслигага мослашиб кетганини исботлади.

Рейтингнинг юқори поғоналарида кимлар бор?

Топ футболчилар орасида яна бир қанча юлдузлар ҳам юқори баҳога эга бўлди:

🔹 Усмон Дембеле (ПСЖ)
🔹 Букайо Сака ("Арсенал")
🔹 Рафинья ("Барселона")
🔹 Флориан Вирц ("Байер")
🔹 Жамал Мусиала ("Бавария")
🔹 Килиан Мбаппе ("Реал Мадрид")
🔹 Майкл Олисе ("Бавария")

Бу футболчилар мавсум давомида жамоалари учун муҳим ўйинларда етакчиликни қўлга олган ва мухлисларни ўз ижроси билан хурсанд қилган.

Европа топ-5 лигаларида ҳар мавсум янгидан-янги юлдузлар пайдо бўлиб, футболчининг маҳорат даражаси янада ошмоқда. Ламин Ямал каби ёш истеъдодлар, Муҳаммад Салаҳ каби тажрибали юлдузлар ва Ҳарри Кейн сингари самарали ҳужумчилар бу йил футбол оламини забт этди.

Келаси мавсумда эса бу рейтингда қайси футболчилар етакчилик қилади? Бу саволнинг жавоби Европанинг катта ареналарида ҳал бўлади! “Замин” янгиликларини “Telegram”да кузатиб боринг