Испаниянинг "Барселона" клуби Европа Чемпионлар лигасининг нимчорак финал босқичида Португалиянинг "Бенфика" жамоасига қарши баҳс олиб борди. Учрашувдаги ягона гол 61-дақиқада Рафинья томонидан киритилган бўлса-да, бу ғалаба "Барса" учун тарихий аҳамият касб этди.
69 дақиқа ўйин камчиликда
Майдондаги асосий бурилиш 22-дақиқада содир бўлди. Каталонияликлар ҳимоячиси Пау Кубарси рақиб ҳужумчисига нисбатан қўпол ўйин намойиш этгани учун ҳакам томонидан майдондан четлаштирилди. Бу "Барселона"ни 69 дақиқа давомида бир киши кам бўлиб ўйнашга мажбур қилди.
Шунга қарамай, "Барселона" 10 киши билан ўйнаб ҳам ғалаба қозонишга муваффақ бўлди, бу эса Европа Чемпионлар лигаси тарихида биринчи бор рўй берган ҳолатдир.
Тўққиз йилдан кейинги сафардаги ютуқ
Бу учрашув "Барселона" учун яна бир муҳим белги билан ёдда қолди. Каталонияликлар 2016 йил 23 февралдан бери илк бор Европа Чемпионлар лигаси 1/8 финалида сафарда ғалаба қозониш имконига эга бўлди.
Охирги бундай ҳолат 2016 йилда "Арсенал"га қарши ўйинда рўй берган бўлиб, ўшанда Лионель Месси дубль қайд этиб, жамоасини ғалабага олиб чиққан эди.
Жавоб ўйинида "Барселона" устунликка эга
Каталонияликлар "Бенфика" устидан қозонилган минимал ғалаба орқали жавоб баҳси олдидан катта устунликка эга бўлди. Эндиликда "Барселона" ўз уйида "Камп Ноу"да бразилиялик Рафинья ва жамоанинг мустаҳкам ҳимоясига таяниб, чорак финал учун кураш олиб боради.
"Барселона" ушбу ғалаба билан Европа Чемпионлар лигаси тарихига яна бир бор ўз номини ёздирди. 69 дақиқа давомида бир киши кам бўлиб ўйнаб ҳам, жамоа ўз маҳорат ва иродасини кўрсатиб, муҳим ғалабани қўлга киритди. Ҳозирги натижа "Барса"нинг Чемпионлар лигаси мусобақасидаги янада улкан мақсадлар сари қадам ташлаши учун ишонч бағишлайди.
Жавоб баҳсида "Барселона"нинг устунлигини сақлаб қолиш ёки "Бенфика"нинг кутилмаган сюрприз кўрсатиши катта қизиқиш уйғотмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
