Элдор Шомуродов Европа Лигасида қаҳрамонга айланди!
Европа Лигаси 1/8 финал босқичидан ўрин олган "Рома" - "Атлетик" баҳси мухлисларга унутилмас онларни тақдим этди. Ушбу ўйинда Элдор Шомуродовнинг ғалаба голи нафақат римликлар учун, балки ўзбек футболи учун ҳам муҳим тарихий лаҳза бўлди!
Шомуродовдан сўнгги дақиқада ғалаба голи!
Учрашувдаги дастлабки ҳисобни "Атлетик" форварди Иньяки Уильямс очди (50-дақиқа). Бироз ўтиб, "Рома" сафига яқинда қўшилган Анхелиньо жавоб голини урди (56-дақиқа). Лекин бу кечада асосий қаҳрамон айнан Элдор Шомуродов бўлди!
Захирадан майдонга тушган ўзбекистонлик ҳужумчи 90+3 дақиқада жамоасига ғалабани таъминловчи голни урди. Гарчи майдонга тушиши билан сариқ карточка ишлаб олган бўлса-да, Элдор 85-дақиқадаги эпизодда катта таъсир кўрсатди. Унга қарши қўполлик ишлатган Йерай Альварес қизил карточка олиб, майдондан четлатилди.
Ғалабадан сўнг – самимий қувонч!
Ўйин якунланганидан кейин "Рома"нинг барча футболчилари ғалабани Шомуродов билан нишонлаш учун унинг олдига югуришди. Бу ҳолат нафақат жамоадошлар, балки стадиондаги мухлисларнинг ҳам қувончини янада оширди.
Жамоа бош мураббийи, машҳур мутахассис Дон Клаудио Раниери ҳам Элдорни самимий табриклади. Унга бўлган ишонч ва қувончли табассум барча футбол мухлисларини ҳайратга солди.
Рим мухлислари Элдорни қаҳрамонга айлантирди!
Бу ғалаба нафақат "Рома", балки ўзбек футболи учун ҳам тарихий лаҳзага айланди. Элдор Шомуродов яна бир бор ўз салоҳиятини намойиш этиб, катта ўйинларда ҳал қилувчи футболчига айлана олишини исботлади.
Римликлар жамоаси ва мухлислари бу кечани узоқ эслаб қолишади! Элдор учун эса бу бир қадам – унинг Европа футболидаги йўли эндигина қизғин босқичга кирди! “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
