Британия тахти вориси Шаҳзода Уильям ўзининг севимли жамоаси "Астон Вилла"нинг Англия Премьер-лига (АПЛ) ўйинларини телевидение орқали кўра олмасликдан норози эканини маълум қилди. Унинг сўзларига кўра, шанба куни АПЛ ўйинлари кўрсатилмайди, бу эса уни жуда жаҳлга солади.
Шаҳзода Уильям "Вилла Парк" стадионига бориш осон эмаслигини тан олади, аммо у имкон қадар кўпроқ ўйинларни – стадионда ёки телевизор орқали кўришни афзал кўради. У, шунингдек, Чемпионлар Лигаси ўйинларига барча ташрифларини ташкил қилишга ҳаракат қилиб келганини айтди, чунки жамоа яхши формада бўлганда, бундай имкониятни қўлдан чиқармаслик керак.
Унинг асосий муаммоси шундаки, шанба куни, 15:00 да, у ўз мамлакатида жамоасининг Премьер-лига ўйинини кўра олмайди, чунки Англияда шундай қоида бор: бу вақтда телеканаллар трансляцияни кўрсатмайди. Бу "блэкаут" ҳолати шахзода Уильям учун жуда қийналувчи ва асабийлаштирувчи бўлгани ҳақида сўзлаб берди. "Биз буни ўз юртимизда кўра олмаслигимиз, жуда жаҳлни чиқаради. Бошқа мамлакатларда исталган ўйинни исталган вақтда кўриш мумкин", – деди у.
Шаҳзода Уильям шуни ҳам таъкидлади, "Villa TV" хизматини ҳисобидан трансляциялардан хабар топишда муаммо йўқ, аммо бундай ишларнинг ўз юртида тўлиқ кўрсатилмаслиги унга тушунарсиз.
Айтилишича, Англияда шундай қоида 1960 йилларда жорий қилинган ва у мухлисларни қуйи лига ўйинларига боришга ундаш мақсадида ишлаб чиқилган. Аммо, вақт ўтган сари, бу ҳолат "Астон Вилла" ёки бошқа жамоалар мухлислари учун катта муаммога айланиб, шундай ўйинларни кўришни хоҳлайдиганларга қийинчилик туғдирмоқда.
Шаҳзода Уильямнинг бу баёнотлари футбол мухлислари орасида яна бир марта муҳим масалани – телевидениеда футбол трансляциялари ҳақидаги сиёсатни қайта кўриб чиқиш зарурлигини кўрсатмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
