"Барселона" бош мураббийи Ханс-Дитер Флик жамоада тарқалаётган требл ғалабаси ҳақидаги баҳс-мунозараларга қатъий нуқта қўйди. Бу ҳақда AS нашри хабар бермоқда.
Германиялик тажрибали мутахассис футболчиларнинг ўз кучига ортиқча ишонч билдириши жамоага жиддий зарар етказиши мумкинлигини таъкидлаган. Флик ўз шогирдларига жамоа ҳозирча ҳеч қандай соврин ютмаганини эслатиб, ғалабалар ва мақсадларга етиш учун олдинда узоқ ҳамда қийин йўл кутилмоқда, деган фикрни етказган.
Шунингдек, мураббий футболчиларга оммавий ахборот воситалари ва ижтимоий тармоқларда эҳтиёткор бўлишни тавсия қилди. Катта гап-сўзлар ва кескин баёнотлар жамоага фойда келтирмаслиги, аксинча зарар етказиши мумкинлигини таъкидлаган Флик, шогирдларини фақат майдондаги ўйинга диққатни қаратишга чақирди.
Ҳозирда "Барселона" Испания чемпионатида 27-турдан кейин турнир жадвалида биринчи ўринда бормоқда. Каталонияликлар, шунингдек, Европа Чемпионлар лигасининг чорак финалига чиқиб, Испания кубогининг ярим финалида иштирок этмоқда.
Фликнинг бу чақируви мавсумнинг ҳал қилувчи палласида футболчиларни ҳар қандай эътиборни чалғитувчи омиллардан сақлаб қолишга қаратилганлиги айтилади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
