Ўзбекистон учун ЖЧ-2026 саралаш босқичидаги ҳар бир ўйин охиргиси, финал мақомига тенглашиб бўлди. Эртага "оқ бўрилар" меҳмонда Эрон билан куч синашади.
Мазкур ўйиндаги ғалаба бизни мундиаль сари жуда ва жуда яқинлаштиради. Бу баҳс олдидан терма жамоа собиқ футболчиси Павел Соломин фикрлари билан ўртоқлашди.
"Ўзбекистон терма жамоасина бутун вужудимиз, қалбимиз билан мухлислик қиламиз. Табиийки, Эрон билан ўйинни катта интиқлик билан кутмоқдамиз. Том маънода Жаҳон чемпионатига чиқишга бир қадам қолди.
Ишончим комилки, имкониятларимиз жуда яхши ҳолатда. Эрон билан ўйинда бундан фойдаланишимиз ва "олтин" очкони қўлга киритишимиз керак. Тўғри, осон бўлмайди. Рақиб яхши жамоа, боз устига уйда ўйнайди. Лекин терма жамоамизда маҳоратли ва малакали ижрочилар жамланган. Ижобий натижа учун бор кучимизни ишга солишимиз лозим.
Қирғизистон билан ўйинда маҳоратимиз яққол билинди, барча жабҳаларда устун бўлдик. Жамоамиз бундан ҳам яхшироқ ўйин кўрсатишини ва муддатидан аввал Жаҳон чемпионатига чиқишини тилаб қоламан", – дейди Павел Соломин.
Маълумот учун, Соломин Ўзбекистон МТЖ либосида 2006-2008 йиллар оралиғида 15 та ўйинда майдонга тушган ва 2 та гол урган. Форслар билан учрашув эса эртага 21:00 да старт олади.
Манба: Championat.asia “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
