ЦСКА жамоаси ва СССР терма жамоасининг собиқ ҳимоячиси Владимир Пономарёв football24.ru нашрига берган интервьюсида армиячилар ярим ҳимоячиси Аббосбек Файзуллаевнинг жисмоний ҳолати ва ўйинини кескин танқид қилди, деб kursiv.media хабар берди.
Пономарёвнинг фикрича, футболчи сўнгги пайтларда сўнгида, жисмоний ҳолати ёмонлашган ва у ҳаддан ташқари кўп ўйин ўтказгани учун чарчаган бўлиши мумкин. Унинг таъкидлашича, Файзуллаевда дриблинг бор, лекин у кўпроқ ҳаракат қилиши, физик жиҳатдан кучайиши керак.
«Файзуллаев сўнгги пайтларда ёмон ўйнаяпти. Статистик кўрсаткичлари ҳам паст. Эҳтимол, у чарчаган, терма жамоа учун ҳам кўп ўйнаяпти. У пас беришни билади, майдонни кўра олади, лекин уни кўп ишлатиш керак эмас. Физик жиҳатдан устунлик қўшиш керак», — деди Пономарёв.
Унинг айтишича, агар Файзуллаев сотилса, бу катта йўқотиш бўлмайди. Чунки ЦСКАда унинг ўрнини босадиган иқтидорли ёшлар бор: «Кисляк, Глебов каби футболчилар етишиб чиқяпти, ўзимизникилар билан тўлдириш мумкин», — дея қўшимча қилди у.
Маълумот учун, Владимир Пономарёв ЦСКА сафида 120 та ўйин ўтказган ва 1 та гол урган. СССР терма жамоасида 25 марта майдонга тушган. У 29 ёшида жароҳат туфайли футболчилик фаолиятини якунлаган.
Аббосбек Файзуллаев эса ЦСКАга 2023 йил август ойида келган ва шу пайтгача 42 та ўйинда қатнашиб, 6 та гол ва 10 та голли пас билан ажралиб турган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
