695
"Реал Мадрид" клуби тарихан 30 ёшдан ошган футболчиларга эҳтиёткорлик билан ёндошади. Кўп ҳолларда уларга фақат бир йиллик шартномалар таклиф этилади. Бу тамойилни Лука Модрич мисолида ҳам кўриш мумкин — у ҳар йили шартномасини янгилаб келмоқда.
Бироқ мадридликлар ҳимоядаги етакчиси Антонио Рюдигер масаласида бундан истисно қилинган қарор қабул қилишмоқда.
Рюдигернинг “Реал”даги фаолияти ва мухим ўрни
32 ёшли немис ҳимоячиси Антонио Рюдигер “Реал” сафига 2022 йил ёзида қўшилган эди. У шу вақт ичида жамоанинг асосий таркиб ўйинчисига айланди. Барча турнирларда у 145 та ўйинда иштирок этиб, нафақат ҳимояда мустаҳкам ўйин намойиш этди, балки еттита гол ва иккита ассист билан ҳам жамоага ҳисса қўшди.
Рюдигер "Реал" билан Испания Ла Лигаси ва Европа Чемпионлар Лигасида ғалабаларга эришган. Унинг майдондаги қатъиятли ўйини ва лидерлик фазилатлари жамоа учун жуда муҳим ҳисобланади.
Клубдан ишонч: Шартнома узайтирилиши кутилмоқда
Журналист Флориан Плеттенберг маълумотига кўра, “Реал Мадрид” Рюдигернинг жорий шартномасини (2026 йил ёзигача) яна икки мавсумга узайтиришни режалаштирмоқда. Агар бу амалга ошса, ҳимоячи 2028 йилнинг ярмигача “қироллик клуби” сафида қолади.
Бу қарор Рюдигернинг Саудия Арабистонига кетиш ҳақидаги фикрларини ўзгартириши мумкин. Таъкидлаш жоизки, сўнгги вақтларда унга араб клубларидан жиддий қизиқишлар билдирилганди.
"Реал Мадрид" клуби ўз анъаналаридан чекинган ҳолда, Антонио Рюдигерга ишонч билдиришга тайёр. Бу клубнинг унафақат ёшига, балки профессионализм, барқарорлик ва лидерлик салоҳиятига ҳам аҳамият қаратаётганини кўрсатади.
Тажрибали ҳимоячининг Мадридда қолиши жамоа ҳимояси учун муҳим пойдевор бўлиб хизмат қилишда давом этади. «Замин»ни Telegram’да ўқинг!
23:46, 5-04-2025
