Баҳодир Жалолов Остонада катта жангга чиқади!

Бугун, 5 апрель куни, Ўзбекистоннинг фахри, профессионал боксда мағлубиятсиз боксчи Баҳодир Жалолов навбатдаги муҳим жангига чиқади. Ушбу жанг Қозоғистоннинг Остона шаҳридаги "Барыс Арена"да ташкил этилган "Battle of the Brave" туркуми доирасида бўлиб ўтади.

Баҳодир Жалолов (14-0) бу гал украиналик тажрибали ва кучли рақиб Игор Шевадзутский (12-2)га қарши рингга чиқади. Бу жанг унинг карьерасидаги муҳим босқичлардан бири бўлиши кутилмоқда.

Жанг вақти — Тошкент вақти билан соат 22:00 да старт олади.

Баҳодир Жалолов ҳозирги кунда нафақат Ўзбекистонда, балки бутун дунёдаги бокс мухлислари орасида ҳам катта обрўга эга. Унинг ҳар бир жанги юқори даражадаги тайёргарлик ва маҳоратни намоён этади. Шевадзутский эса тажрибаси ва кучли зарбалари билан танилган боксчи ҳисобланади, шунинг учун ушбу жанг мухлислар учун мароқли ва драматик туйғуларга бой кечиши кутилмоқда.

Барча юртдошларимизни Баҳодирни қўллаб-қувватлашга чақириб қоламиз! Омад сен билан, Шеримиз! “Замин” янгиликларини “Telegram”да кузатиб боринг