Гвардиоладан нуктали таҳлил: «Нунеш марказда эмас, қанотда порлайди!»

«Манчестер Сити» бош мураббийи Хосеп Гвардиола жамоа таркибидаги энг тортишувли футболчилардан бири — Матеус Нунеш ҳақида очиқ фикр билдирди. Унинг сўзларига кўра, португалиялик футболчи чап қанот ҳимоячиси сифатида жамоага анча фойда келтириши мумкин.

«Нунеш жисмоний жиҳатдан кучли. Шу сабаб у яхши қанот ҳимоячисига айлана олади. Лекин марказий ярим ҳимоячи сифатида у етарлича тартибли ёки ақлли эмас», — дейди Гвардиола.

Испаниялик мутахассиснинг таъкидлашича, Нунешда ажойиб кўникмалар бор ва у позициявий жиҳатдан ҳали кўп нарсани ўрганмоқда. Қанот ҳимоячилари учун энг катта муаммо — узоқ устунга узатилган пасларни тўғри баҳолаш эканлигини таъкидлаган Гвардиола, бу борада Нунешда катта салоҳият борлигини таъкидлади:

«Унда жисмоний имкониятлар етарли. Қолганини вақт ўргатади», — дея фикр қўшди устоз.

«Манчестер дербиси» — голсиз драманинг сабабчиси ким?

Эслатиб ўтамиз, «Сити» сўнгги турда «Олд Траффорд»да «Манчестер Юнайтед»га қарши жуда қаттиқ ўйинда майдонга тушди. Ғолиб аниқланмади — 0:0.

Бу учрашувда Нунеш қанотда ҳаракат қилди ва унинг ўйини Гвардиоланинг танловини яна бир бор тўғри эканлигини кўрсатди.

Гвардиола ҳар бир футболчининг табиий иқтидорини тўғри йўналтиришга усталик билан ёндашади. Нунешнинг қанотдаги ўйини унинг навбатдаги «трансформацияси» бўлса ажаб эмас! Мухлислар эса энди унинг янги ролидаги ҳаракатларини катта қизиқиш билан кузатишмоқда. “Замин” янгиликларини “Telegram”да кузатиб боринг