Гвардиола “Барса”дан янги юлдуз танлади! Кевин де Брюйненинг ўрнига Дани Ольмо?

“Манчестер Сити” бош мураббийи Хосеп Гвардиола мавсум тугашини кутиб ўтирмаяпти — у аллақачон ёзги трансферлар режасини тузиб бўлди! Жамоа марказида катта ўзгариш кутилмоқда, чунки Кевин де Брюйненинг кетиши реал ҳақиқатга айланмоқда.

Янги мақсад — Дани Ольмо!

Каталониялик мутахассис “Барселона” аъзоси Дани Ольмони “Сити”нинг янги моторига айлантирмоқчи. Бу ҳақда Испаниянинг El Nacional нашри хабар берди.

Гвардиола Ольмони ҳали у “Лейпциг” сафида бўлган пайтдаёқ кузатишни бошлаган. Энди эса у 26 ёшли футболчини ўз тактик режасига мутлақо мос келадиган идеал номзод деб ҳисоблаяпти.

Нима учун айнан Ольмо?

• Унинг ҳаракатлари ва техникаси Гвардиола услубига тўлиқ мос келади.
  
• “Барса” уни трансфер қилган бўлса-да, ҳалигача Ла Лига қайдномасидан ўтказишда қийинчиликка дуч келмоқда.
  
• Дани Ольмонинг шартномасида 60 миллион еврога олиб кетиш мумкин бўлган махсус банд бор.
  

Бу омиллар жами “Сити” учун идеал имконият яратади. Гвардиоланинг керакли пайтда ҳаракатга ўтиши эса унинг устоз сифатидаги савиясини яна бир бор намоён этади.

"Сити"нинг келажаги шаклланмоқда!

Кевин де Брюйнедек футболчининг ўрнини тўлдириш осон эмас, лекин агар буни кимдир уддалай олиши мумкин бўлса, бу — Гвардиола! Дани Ольмо эса унинг қўлида янги юлдузга айланиши мумкин.

Zamin.uz мухлислари учун савол:
Агар бу трансфер амалга ошса, сиз “Сити”ни яна Европанинг энг қудратли жамоаси сифатида кўра оласизми? «Замин»ни Telegram’да ўқинг!