Анчелотти “Реал”нинг шармандали мағлубияти ҳақида нималар деди?

Европа Чемпионлар лигасининг чорак финали биринчи учрашувида мусобақанинг амалдаги ғолиби “Реал” Лондонда “Арсенал”дан йирик ҳисобда енгилди.

Деклан Райснинг жарима зарбаларидан иккита ва Микель Меринонинг битта аниқ зарбаси “канонирлар”га 3:0 ҳисобида ғалаба келтирди.

Беллашувдан кейин мадридликлар бош мураббийи Карло Анчелотти мағлубият сабабларини очиб берди.

- Бир соат давомида жамоамда ҳаммаси жойида эди. Кейин эса, икки марта ўйин қоидасини бузганимиз бадалини тўладик. Жарима зарбаларидан кейин иккита гол ўтказдик.

Ўйиннинг қолган қисмида иштиёқимиз сўниб қолди. Бу оғир мағлубият. Айниқса, беллашувнинг иккинчи ярмида ҳеч нарса қила олмадик.

Футбол ўйнай олмай қолдик. Жамоа руҳан синди ва вазиятга жавоб қайтара олмади. Голларгача ҳаракатларимизда интенсивлик бор эди, - деди Карло Анчелотти.

Бу жуфтликнинг жавоб ўйини 16 апрель куни Мадрид шаҳрида бўлиб ўтади. «Замин»ни Telegram’да ўқинг!