Атлетико “юлдузлар” билан хайрлашмоқда! Симеоне энди сабр қилмайди!

Мадридда янги давр бошланмоқда. “Атлетико” бош мураббийи Диего Симеоне жамоани қайта қуришга жиддий киришди. У энди фақат катта исмларга эмас, натижага ишонади.

Уч юлдуз – кетиш остонасида!

Тажрибали аргентиналик мураббий ўзини оқламаётган ва майдонда жиддий таъсир кўрсата олмаётган футболчилар билан хайрлашишга қарор қилди. Ҳозирги рўйхатда уч нафар ном бор:

- Антуан Гризманн
- Хави Галан
- Сесар Аспиликуэта

Гризманн — энди эмас?
Узоқ йиллар “Атлетико”нинг юраги бўлган Гризманн бу мавсумда худди “ўчган юлдуз”га айланди. Унинг жамоа ўйинига таъсири паст, муҳим ўйинларда эса жавобгарликни ўз зиммасига ола олмаётгани мураббийни ранжитмоқда. Эндиликда франциялик ҳужумчи ўз омадини МЛСда синаб кўриши мумкин.

Галан — имкониятни йўқотди
Чап қанот ҳимоячиси Хави Галан ҳам Симеоне ишончига сазовор бўла олмади. Ҳимоядаги хатолар, қаттиқ ўйин услуби ва чексиз сариқ карточкалар – бу позицияда ўзгариш зарурлигини англатади. Статистикага кўра, Галан Ла Лиганинг 17 учрашувида 8 марта огоҳлантирилган.

Аспиликуэта — фақат ном қолди
Челсидаги буюк карьерасидан сўнг “Атлетико”да катта вазифа юклатилган Аспиликуэта энди Симеоне талабларига жавоб бера олмаяпти. Унинг ўрнига ёш ва тезкор футболчи олиб келиш режаси аллақачон муҳокама қилинмоқда.

Симеонега нима керак?
Фақат ном учун эмас, майдонда ишлайдиган, курашадиган ва натижа келтирадиган футболчилар. “Атлетико” мухлислари энди афсоналарга эмас, ғалабаларга ишонишни исташади.

Ёзги трансфер ойнасида “Атлетико”дан катта ўзгаришлар кутилмоқда. Эътиборда бўлинг — бу фақат бошланиши! «Замин»ни Telegram’да ўқинг!