“Интер”га қарши реванш борми? Компани “Бавария” имкониятларини баҳолади!

Чемпионлар Лигаси 1/4 финал босқичининг биринчи учрашувида "Бавария" Миланнинг "Интер" жамоасига 1:2 ҳисобида мағлуб бўлди.. Аммо 1:2 ҳисобидаги мағлубиятга қарамасдан, мюнхенликлар жанг майдонида “йиқилган” эмас, балки “тез оёққа турадиган” жамоа эканини яна бир бор исботлади.

Белгиялик бош мураббий Венсан Компани ўйиндан сўнгги матбуот анжуманида кўнгилсиз натижага қарамай, мухлисларни юракдан суйинтирди:

“Бизда гол уриш имкониятлари етарли эди – ҳатто икки-учта эмас, ундан кўпроқ. Қаршида кучли ҳужумчиларга эга ‘Интер’ бор, лекин биз улардан хавфлироқ кўриндик.”

“Милан”да таслим бўлиш йўқ!
Компани жамоасининг “Аллергри” стадионидаги реванш учун тайёр эканини очиқ баён қилди:

“Жароҳатлар, кечиримлар... булар баҳона. Биз ‘Милан’да ҳам ўз имкониятларимизни ишга соламиз. Бу тўқнашувнинг фақат биринчи ярми. Ҳеч қандай жамоа биринчи бўлимни 1:2 ҳисобида ютқазиб тугатганидан кейин кийим алмаштириш хонасида: "Тамом, таслим бўламиз, уйга кетдик", демайди.. Биз, аксинча, бундан куч оламиз.”

Бош мураббийнинг фикрича, “Бавария”да ҳали ҳам ғалаба учун ҳам, ярим финалга йўл очиш учун ҳам етарли асослар мавжуд:

“Менда жамоам рақибга таҳдид сола олмайди, деган ҳис йўқ. Фақат натижа баъзан адолатли бўлмайди, холос.”

“Альянц Арена”да нималар бўлади?
Шубҳа йўқки, жавоб ўйинида “Бавария” мухлислари ва Компани ўртасидаги ишонч кўприги янада мустаҳкамланади. 90 дақиқада кўп нарса ўзгариши мумкин. “Қизил машиналар” ўзига хос руҳда “Интер”ни қабул қилади.

Энди навбат Мюнхенда. Савол: “Бавария” қайта оладими?” Жавоб эса яшил майдонда берилади. «Замин»ни Telegram’да ўқинг!