“Қаймоқрангли камбэк” бошланадими? Мбаппе ва жамоадошлари ишоняпти!

Лондондаги “Эмиратс”да кечган кеча "Реал Мадрид" учун кўнгилсиз тарзда якун топди. Чемпионлар Лигаси 1/4 финал босқичининг биринчи учрашувида Карло Анчелотти шогирдлари “Арсенал”дан 0:3 ҳисобида мағлуб бўлди. Аммо жамоа лагерини ташвиш эмас, ишонч камраб олган.

Мбаппе: “Ҳа, албатта!”
Учинчи голдан кейин кўп мухлислар “Реал” энди қайтиб кела олмайди, деган хаёлга борди. Аммо ҳаммасини ўйинчиларнинг сўзлари инкор этди. Энг биринчи бўлиб Килиан Мбаппега "Реал камбэк қиладими?" деган савол берилди.

Француз юлдузи шундай деб жавоб берди: “Ҳа, албатта!”

Бу сўзлар шунчаки жавоб эмас — “Бернабеу”даги тўлқинланишнинг илк сигналидир.

Винисиус, Родриго ва Вальверде — бир овозда!
Камбэк сўзини эшитган Винисиус Жуниор ҳам ўйламай туриб:

“Ҳа, қила оламиз,” — деб жавоб қайтарди.

Бразилиялик Родриго ва уругвайлик “мотор” Вальверде эса бош ирғатиб, бир овозда “Ҳа” дея ишонч билдирди. Бунақаси “Реал” ихлосмандларини қувонтирмай қолмайди.

16 АПРЕЛЬ – ТАҚДИР КЕЧАСИ
“Сантьяго Бернабеу”даги жавоб учрашуви ҳақиқий драмани ваъда қилмоқда. Трибуналардаги юракдан келган қўллаб-қувватлов, тарихий руҳ ва футболчидаги ишонч — “Реал” учун имкон дарвозаларини очиқ қолдиради.

Эслатиб ўтамиз, “Реал” тарихида ҳам шундай камбэклар кам бўлмаган. Яна бир мўъжизага тайёр туринг!

16 апрель. Бернабеу. Вақт келди. Сўнгги қон томчисигача кураш бор.
⚪ Чунки бу – “Реал”! «Замин»ни Telegram’да ўқинг!