Голлар, миллионлар ва ирода: Криштианунинг формуласи

“Ан-Наср” ва Португалия терма жамоаси ҳужумчиси Криштиану Роналду замонавий футболнинг ҳақиқий афсонасига айланган.

У беш карра “Олтин тўп” соҳиби, расмий учрашувларда энг кўп гол урган футболчи ва миллий терма жамоа даражасида тўп киритиш бўйича мутлақ рекордчи ҳисобланади. Унгача ҳеч ким бунча гол урмаган.

40 ёшда ҳам юқори савияда ўйнаётган Роналдунинг жисмоний ҳолати ва самарадорлиги ҳавас уйғотади. Бу эса унинг машғулотга бўлган ёндашуви ва интизоми билан боғлиқ.

“Машаққатли меҳнат — муваффақиятга эришишнинг ягона йўли”, — деди Роналду сўнгги интервьюсида.

Роналду нафақат майдонда, балки молиявий жиҳатдан ҳам етакчилардан бири. Саудиянинг “Ан-Наср” клуби у учун йилига 200 миллион еврога яқин ҳақ тўламоқда — бу футбол тарихидаги энг катта шартномалардан бири.

Сиз нима деб ўйлайсиз: Роналду яна қанча вақт юқори даражада ўйнай олади? «Замин»ни Telegram’да ўқинг!