"Реал"нинг иқтидорли ҳужумчиси клубни тарк этишга тайёр

Мадриднинг "Реал" клуби ҳужумчиси Эндрик ёзги трансферлар ойнаси вақтида бошқа жамоага ижара асосида ўтишга тайёр эканлигини билдирди. Бу ҳақда "Relevo" нашри хабар тарқатди.

Оммавий ахборот воситалари мунтазам равишда бразилиялик ёш футболчининг "Реал"да етарлича ўйин амалиёти олмаётгани сабабли, унинг вақтинчалик бошқа клубга ўтиши эҳтимоли ҳақида ёзишмоқда.

Жорий мавсум давомида 18 ёшли Эндрик "қаймоқранглилар" сафида жами 33 ўйинда майдонга тушган, аммо бу ўйинларда у атиги 700 дақиқа ҳаракат қилган. Бу эса футболчи ўртача ҳар ўйинда 21 дақиқа иштирок этганини англатади.

Эслатиб ўтамиз, Эндрик ўтган ёзда "Палмейрас" клубидан "Реал"га келиб қўшилган эди. Transfermarkt порталига кўра, футболчининг бозор қиймати 40 миллион евро атрофида баҳоланмоқда.

Шундай катта маблағ эвазига олинган футболчининг кам ўйнашидан клуб ҳам, ўзи ҳам рози эмаслиги табиий.

Ижара ечимми ёки муваққат қочиш?

“Реал”даги юқори рақобатни ҳисобга олсак, ижара вариант сифатида мантиқий ечим бўлиши мумкин. Бу йўлни аввало:
- Тажриба тўплаш,
- Янги муҳитда ўзини синаш,
- Кейинчалик “Реал”га кучлироқ футболчи сифатида қайтиш мақсадида кўриш мумкин.

Сиз нима деб ўйлайсиз — Эндрик учун ижарага ўтиш тўғри қарорми? Қайси клуб унга мос келади? «Замин»ни Telegram’да ўқинг!