Перудаги жаҳон чемпионатида юртимиз вакиллари яна подиумда

Перуда бўлиб ўтаётган ўсмирлар ва ёшлар ўртасидаги оғир атлетика бўйича жаҳон чемпионатининг навбатдаги куни ҳам юртимиз учун муваффақиятли кечди. Бир қатор вазн тоифаларида ғолиб ва совриндорлар аниқланди. Энг қувонарлиси — бу сафарги мукофотчилар орасида ўзбекистонлик спортчилар ҳам бор.

Маржона Абдумуталовадан иккита медаль

Аёллар ўртасида -59 кг вазн тоифасида беллашган Маржона Абдумуталова супачада мувозанатли ҳаракатлар намоён этиб, яхши натижалар қайд этди.

У силтаб кўтариш машқида 102 кг натижа билан бронза медалини қўлга киритди. Икки кураш (дaст + силтаб) натижаларига кўра, Маржона 190 кг умумий юклама билан кумуш медалга сазовор бўлди. Бу натижа Ўзбекистон делегацияси ҳисобига яна бир йирик соврин қўшди.

Хикматилло Хайдаровдан ишончли чиқиш

Эркаклар ўртасида -81 кг вазн тоифасида супачага чиққан Хикматилло Хайдаров ҳам ўзига ишонч билан ҳаракат қилди. У даст кўтариш машқида 154 кг тўшни баландга кўтариб, бронза медалини қўлга киритди.

Ўсмирлар ва ёшлар ўртасидаги жаҳон чемпионатида Ўзбекистон терма жамоаси аъзолари бир неча кундирки мунтазам равишда мукофотлар билан тақдирланмоқда. Бу – оғир атлетика бўйича юртимиздаги тажриба ва салоҳиятнинг яна бир тасдиғи.

Мусобақа давом этаётган экан, яна янги медаллар кутилмоқда. Сизнингча, терма жамоамиз неча та соврин билан Перу сафарини якунлаши мумкин? «Замин»ни Telegram’да ўқинг!