Гвардиола ғалабадан сўнг очиқ гапирди: «Омадимиз келди, ҳали иш кўп»

«Манчестер Сити» клуби бош мураббийи Хосеп Гвардиола Англия Премьер-лигаси доирасида бўлиб ўтган «Вулверҳэмптон» билан баҳсдан сўнг (1:0) ўзининг очиқ ва ҳаққоний фикрлари билан ўртоқлашди.

Испаниялик тажрибали мутахассис ҳисобга қаралганда жамоа яхши ривожланаётганини айтди, аммо ўйиннинг сифатига танқидий назар ташлади.

«Албатта, натижа томондан қарасак, ҳозирги ҳолатимиз аввалгидан яхшироқ. Лекин ўйин сифатига эътибор берсак, биз ҳали ҳам кўплаб жиҳатларни яхшилашимиз лозим. Ўйиннинг дастлабки 20 дақиқасида рақиб бизни ортда қолдирди, улар бир нечта хавфли вазият яратди. Тўғриси, омадимиз келди десам, муболаға бўлмайди. Биз бугунги баҳсда ўз услубимизда тўлиқ ҳаракатлана олмадик. Шундай бўлса-да, мақсадимиз аниқ ва у томон интилишни давом эттирамиз», – деди Гвардиола.

Мураббий сўзларига кўра, ҳозирги жамоанинг ҳолати бир неча ҳафта аввалги вазиятдан яхшироқ эканлиги сезилмоқда.

«Сўнгги учрашувларда ғалаба қозоняпмиз, бундан ташқари, рақибларимиз очколар йўқотиб қўймоқда. Агар шу тарзда, бугунгидек ўйнашда давом этсак ҳам бу ёмон натижа эмас. Лекин асосийси, ҳеч қачон ҳушёрликни қўлдан бой бермаслигимиз керак. Шу каби мураккаб ғалабалар бизга ҳали кўп ишлашимиз кераклигини эслатиб туради», – дея таъкидлади «шаҳарликлар» бош мураббийи.

Фикрингизча, «Ман Сити» жорий мавсумда янада юқори поғоналарга кўтарила оладими? Комментарийларда ўз фикрларингизни қолдиринг! «Замин»ни Telegram’да ўқинг!