Ламин Ямал энг яхши деб ҳисоблайдиган икки футболчи номини айтди

«Барселона»нинг ёш истеъдодли футболчиси Ламин Ямал ўзининг жамоадошларидан ташқари энг яхши кўрган икки футболчиси ким эканлигини ошкор қилди.

17 ёшли футболчи ўз интервьюсида шундай деди: «Агар «Барселона» ўйинчиларини ҳисобга олмасак, мен учун ҳозирги вақтда энг юқори даражада ўйнаётган икки футболчи – Усмон Дембеле ва Букайо Сака».

Усмон Дембеле ҳозирда ПСЖнинг асосий ўйинчиларидан бири бўлиб, унинг ажойиб ўйинлари туфайли жамоа Чемпионлар лигаси финалига чиқиш ва Франция чемпионатида ғолибликни қўлга киритишга муваффақ бўлди.

Букайо Сака эса Англия Премьер-лигасининг «Арсенал» клубида ҳужум чизиғида фаолият юритади. Унинг майдондаги ҳаракатлари кўплаб мухлисларнинг эътиборини тортган бўлса-да, ҳозирча жамоанинг Премьер-лигада ёки Чемпионлар лигасида катта муваффақиятга эришишига ёрдам бергани йўқ.

Ламин Ямалнинг ушбу фикри жаҳон футболида ёрқин ўйнаётган футболчиларнинг истеъдоди ва таъсири ҳақида муҳим эътирофдир. «Замин»ни Telegram’да ўқинг!