"Артета эффекти": Деклан Райс “Арсенал”да “Вест Хэм”дан кўпроқ гол урди

Англия Премьер-лигасининг 37-турида “Арсенал” ўз майдонида “Ньюкасл”ни 1:0 ҳисобида мағлуб этди. Ушбу ўйиндаги ягона ва ҳал қилувчи тўп “канонирлар”нинг марказий ярим ҳимоячиси Деклан Райс томонидан киритилди.

Бу гол 26 ёшли футболчи учун “Арсенал” сафидаги 16-гол бўлиб, унинг “Вест Хэм”даги бутун фаолияти давомида урган голлар сонидан (15) ҳам кўп. Шу тариқа, Райс янги клубида камроқ ўйинда кўпроқ самара кўрсатди — “Арсенал”даги 102 учрашувда 16 та гол, “Вест Хэм”да эса 245 беллашувда 15 та тўп.

Эслатиб ўтамиз, Деклан Райс “Арсенал”га 2023 йилнинг ёзида 116 миллион евро эвазига ўтган ва бу “канонирлар”нинг трансфер тарихидаги энг қиммат битим сифатида қайд этилган. У бугунги кунга келиб, сарфланган маблағга муносиб фойда келтираётганини исботлаб бормоқда.

Rайс “Арсенал”даги иккинчи мавсумини ўтказмоқда ва жамоа унга юқори ишонч билдириб келмоқда. Футболчининг ҳимоявий функциялар билан бирга ҳужумдаги фаоллиги ҳам жамоанинг юқори поғоналар учун курашида муҳим омил бўлиб қолмоқда.

Zamin.uz таҳририяти Деклан Райснинг Лондон грандидаги кейинги ривожини диққат билан кузатишда давом этади. Сиз уни Премьер-лиганинг энг яхши ярим ҳимоячиларидан бири сифатида қабул қиляпсизми? «Замин»ни Telegram’да ўқинг!