Кварацхелия тарихга кирди: Бир мавсумда икки чемпионлик!

Жорий мавсум Европа футбол тарихида яна бир ноёб воқеа билан ёдда қоладиган бўлди. Италиянинг "Наполи" ва Франциянинг "ПСЖ" клублари ўз миллий чемпионатларида ғолибликни қўлга киритган бир пайтда, бу икки жамоада ҳам ҳаракат қилган грузиялик юлдуз Хвича Кварацхелия икки мамлакат чемпионлигини қўлга киритган ягона футболчи сифатида қайд этилди.

Италияда Скудетто, Францияда навбатдаги тож

А Серияда неаполликлар мавсумни 82 очко билан якунлашга эришиб, сўнгги йиллардаги энг муваффақиятли мавсумлардан бирини ўтказди. Хвича Кварацхелия "Наполи" сафида биринчи даврада кўрсатган ўйини билан чемпионликка асосий ҳисса қўшган футболчилардан бири бўлди. Янги йилдан сўнг эса у қишки трансфер ойнасида Парижнинг юлдузлар тўла "ПСЖ" жамоасига кўчиб ўтди.

У ерда ҳам форвард ўзини тезда намоён қила бошлади. Луис Энрике бошчилигидаги "ПСЖ" сўнгги турларда чемпионлик масаласини ҳал қилиб, Лига 1да яна бир бор зафар қучди.

Бир мавсум – икки чемпионат – икки олтин медаль

Хвича Кварацхелия учун бу натижа фақат клуб даражасидаги ютуқ эмас, балки шахсий тарихий натижа ҳам бўлди. У бир мавсумда икки етакчи чемпионатда чемпионликни қўлга киритган кам сонли футболчилар қаторига кирди.

ЕЧЛ финалидаги навбатдаги имтиҳон

Айни пайтда Кваратсхелия ва унинг янги жамоаси “ПСЖ” Европа Чемпионлар лигаси финалига тайёргарлик кўрмоқда. 31 май куни “Аллианц Арена”да ўтадиган ҳал қилувчи баҳсда улар Италия гранди “Интер”га қарши майдонга тушади. Агар “ПСЖ” ушбу финалда ҳам ғалаба қозонса, Кварацхелия мавсумни учта йирик соврин билан якунлаши мумкин.

Zamin.uz таҳририяти бу тарихий воқеанинг давомини диққат билан кузатиб боради. Сиз Хвичанинг бундай натижага эришишини кутганмидингиз? Чемпионлар лигасидаги натижаси ҳам шунча таъсирли бўладими?