“Динамо” ва “Сўғдиёна” ўртоқликда куч синашади

Миллий терма жамоаларнинг ФИФА кунлари доирасида ўйинлар ўтказиши сабабли Суперлига баҳсларида икки ҳафталик танаффус юзага келмоқда. Бу вақт мобайнида жамоалар ўзаро ўртоқлик беллашувлари орқали спорт формасини сақлаб қолишга ҳаракат қилмоқда.

Хусусан, “Динамо” клуби Ўзбекистон кубоги чорак финали доирасида 8 июн куни “Лочин” жамоасига қарши муҳим учрашувга тайёргарлик кўрмоқда. Ушбу муҳим баҳс олдидан самарқандликлар 3 июн куни “Сўғдиёна” билан назорат ўйини ўтказади.

Беллашув Самарқанддаги “Динамо” стадионида бўлиб ўтади ва соат 19:00да бошланиши режалаштирилган.

Ўртоқлик учрашуви
- 3 июн, сешанба
- “Динамо” – “Сўғдиёна”
- Бошланиш вақти: 19:00
- Жой: Самарқанд, “Динамо” стадиони «Замин»ни Telegram’да ўқинг!