
Ўзбекистон миллий терма жамоасининг собиқ бош мураббийи, словениялик мутахассис Сречко Катанец юртимиз футбол жамоаси учун тарихий аҳамиятга эга бўлган — Жаҳон чемпионати–2026 финал босқичига йўл олингани муносабати билан ўз таассуротлари ва самимий тилаклари билан бўлишди.
Қисқа, лекин самимий баёнот орқали Катанец ўз муносабатини шундай ифода этди:
“Мен кўп гапирмайман. Барчангизни табриклайман. Бу ютуқ барчамизники — футболчилар, мураббийлар, жамоа ходимлари, раҳбарият ва энг муҳими, термани узлуксиз қўллаб-қувватлаб келаётган мухлисларники!”, — деди Катанец.
Катта ютуқнинг катта ҳиссаси
Эслатиб ўтамиз, Сречко Катанец 2021–2023 йиллар давомида Ўзбекистон миллий терма жамоасини бошқарган ва унинг қўли остида жамоа бир қатор муҳим тактик жиҳатдан етишган, кучли рақибларга қарши мустаҳкам тартибли ўйин намоён қилган эди.
Унинг бошчилигида жамоа янгиланиш жараёнини бошдан кечириб, муҳим асосий футболчилар шаклланди. Катанецнинг меҳнати бугунги муваффақиятлар заминида муҳим пойдевор бўлиб хизмат қилгани шубҳасиз.
Мураббийлар келади ва кетади, аммо уларнинг меҳнати, стратегияси ва жамоага сингдирган руҳи тарихда из қолдиради. Сречко Катанецнинг ҳам Ўзбекистон футбол тарихи учун тутган ўрни — эҳтиромга лойиқ.
Ўзбекистон Жаҳон чемпионати сари йўл олди. Бу ғалабада ўтмишда меҳнат қилган ҳар бир инсоннинг ҳиссаси бор. Раҳмат, Катанец! «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар