"Манчестер Сити" бош мураббийи Хосеп Гвардиола янги мавсум олдидан жамоа таркибини қисқартириш эҳтимоли ҳақида очиқ гапирди. Испаниялик мутахассиснинг фикрича, жамоадаги футболчилар сони оптимал меъёрдан анча кўп бўлиб қолди ва бу ҳолат муаммога айланиши мумкин.
Гвардиола айтишига қараганда, клубда ҳозир 24 нафар футболчи ва уч нафар дарвозабон бор. Янги мавсум арафасида "Сити" клублар ўртасидаги жаҳон чемпионатига айнан шу футболчилар билан борди. Қизиғи шундаки, январдан буён жамоа 8 нафар янги футболчи билан шартнома имзолади ва бу эса таркибдаги рақобатни янада кучайтирди.
— Ҳозирги пайтда жамоамизда жуда кўп футболчи бор, — деди Гвардиола. — Келгуси мавсумда 26 ёки 27 нафар ўйинчига ишона олмаймиз. Агар шундай бўлса, ўйнамайдиган футболчилар сони ортиб кетади ва бу эса ўйинчиларнинг руҳиятига салбий таъсир кўрсатади. Шунинг учун таркибни қисқартириш масаласи долзарб бўлиб қолмоқда.
Тажрибали мураббийга кўра, катта таркиб футболчилар ўртасидаги рақобатни оширса-да, бир неча мавсум мобайнида аниқ таркиб шакллантириш ва барча ўйинчиларни ўйин амалиёти билан таъминлаш муаммо бўлади. Айнан шунинг учун "Сити" раҳбарияти бир қатор футболчиларни ижарага бериш ёки сотиш бўйича музокаралар олиб бориши мумкин.
Манчестерликлар янги мавсумда Премьер-лига, Англия кубоги, Европа Чемпионлар лигаси ва клублар ўртасидаги жаҳон чемпионатида иштирок этишни режалаштирган. Шу боис, жамоанинг ҳар бир аъзосидан максимал фойдаланиш талаб қилинади. Бироқ Гвардиоланинг фикрича, оптимал ва мувозанатли таркибгина юқори натижаларга эришиш гаровидир.
Клуб ичидаги янги трансферлар ва юқори рақобат манчестерликларнинг катта мақсадлар сари ҳаракат қилишини англатади. Футбол олами эса "Сити"даги янги ўзгаришларни кузатишда давом этмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
